Nikol Pashinyan
Paşinyan: “Üçtərəfli bəyanat Qarabağın statusunu müəyyən etmir”
Bakı/14.10.20/ Turan: Dağlıq Qarabağa dair üçtərəfli bəyanat siyasi nizamlama sənədi deyil. Bu barədə Ermənistanın baş naziri Nikol Paşinyan noyabrın 13-də axşam Ermənistan İctimai Televiziyasına müsahibəsində bildirib.
"Bu, hərbi əməliyyatların dayandırılması haqda sənəddir və siyasi nizamlama sənədi deyil. Terminlər, təkliflər var ki, onlar şərh olunmalı və siyasi məzmun almalıdır", - Paşinyan deyib.
O bildirib ki, sənədi hökumət daxilində müzakirə edəcək, opponentlərindən isə sənədin ləğv edilməsi barədə təklifləri eşitməyib.
"Biz, sadəcə, bu kağızı götürüb cıra bilərik, amma nəticələrə dair təsəvvürümüz olmalıdır. Bu o deməkdir ki, biz imzalanmadan öncəki vəziyyətə qayıdırıq", - o deyib.
"Ordumuz son dəqiqəyə qədər döyüşüb. Müharibənin dayandırılması haqda qərar o vaxt qəbul edilmişdi ki, mübarizənin mənası yox id", - o deyib və qeyd edib ki, qərar Şuşanın süqutundan sonra qəbul edilib.
"Mən deyirdim ki, Şuşanı verə bilmərəm, amma müharibənin bundan öncə dayandırılması ona gətirib çıxaracaqdı ki, Şuşa onsuz da zəbt ediləcəkdi", - Ermənistanın baş naziri bildirib.
Paşinyan atəşkəsdən əldə olunan mənfəətə toxunaraq qeyd edib ki, Ermənistan Naxçıvan vasitəsilə İrana dəmir yolundan istifadə etmək imkanı əldə edə bilər, Lakin Türkiyə ilə sərhədlər açılmayacaq.
Onun sözlərinə görə, Ermənistan-Türkiyə sərhəddi açılmayacaq, Çünki Türkiyə Qarabağa dair üçtərəfli bəyanatın iştirakçısı deyil.
"Biz həm də Rusiyaya ikinci yol istəyirik. Bu sənədin sayəsində belə bəndlər həyata keçirilə bilər. Bu, danışıqlar məsələsidir", - Paşinyan bildirib, yolun Azərbaycanda olub-olmayacağını dəqiqləşdirməyib.
Paşinyan deyib ki, Dağlıq Qarabağda Rusiya sülhməramlılarının olması müharibənin yenidən başlanmamasının qarantıdır.
"Bu, onların olduğu şəraitdə müharibə başlamayacağına və ya həcm almayacağına qarantdır. Rusiya sülhməramlılarının iştirakının mənası ondan ibarətdir ki, Qarabağ əhalisinin normal həyat fəaliyyəti üçün şəraitin təmin olunacaq", - o bildirib.
O qeyd edib ki, Ermənistan Qarabağ xalqının hüququ uğrunda mübarizəni davam etdirir.
"Bunun üçün soydaşlarımız öz evlərinə qayıtmalıdırlar. İndi orada Rusiyanın sülhməramlıları var və onlar təhlükəsizliyi təmin edirlər. İnvestisiyalar həyata keçiriləcək, infrastruktur bərpa olunacaq", - Ermənistanın baş naziri bildirib.
O, danışıqlar prosesinə toxunaraq deyib ki, artıq 25 ildir ki, danışıqlar yeddi rayonun Azərbaycana təhvil verilməsi məsələsinə aid olub.
“Status, özünütəyin haqda maddələr müəyyən edilməmişdi. Bu, praktikada nə deməkdir? Məsələn, Azərbaycan deyir ki, özünütəyin onun tərkibində ola bilər. Danışıqlar masasında yalnız yeddi rayonun geri qaytarılması müəyyən edilib", - Paşinyan bildirib.
Onun sözlərinə görə, Qarabağ məsələsi üçtərəfli bəyanatla yekun həllini tapmayıb. -02D-
-
- Sual-cavab
- 14 Noyabr 2020 00:19
-
- Siyasət
- 14 Noyabr 2020 10:22
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz