Nikol Pashinyan
Paşinyan üçtərəfli Yerevan-Bakı-Moskva görüşünün əleyhinədir
Bakı/30.09.20/Turan: Ermənistan hazırki mərhələdə Rusiya və Azərbaycanla Qarabağ məsələsi ilə bağlı üçtərəfli görüş keçirilməsinin mümkün olduğunu düşünmür, bu barədə baş nazir Nikol Paşinyan sentyabrın 30-da Yerevanda bir qrup Rusiyalı jurnalistlə görüşdə bildirib.
“İntensiv hərbi əməliyyatlar zamanı Ermənistan-Azərbaycan-Rusiya sammitindən danışmağın çox da yeri deyil. Danışıqlar üçün müvafiq atmosfer və şərtlər olmalıdır”, deyə Paşinyan bildirib.
Onun sözlərinə görə, Ermənistan həmişə Qarabağ probleminin dinc yolla həllinə hazır idi, “amma bu, o demək deyil ki, Ermənistan və ya Qarabağ məsələni öz milli maraqlarının və təhlükəsizliyinin zərərinə həll etməyə hazırdır”, deyə o qeyd edib.
Azərbaycanla münaqişədə Rusiya hərbi bazasından istifadə edilə bilər? Bu suala Paşinyan belə cavab verib: “Rusiya hərbi bazası Ermənistanın təhlükəsizlik sisteminin ayrılmaz hissəsidir. Konkret hallarda bazanın potensialından istifadə edilməlidir. Hazırki mərhələdə bazanın potensialından istifadə etmək zərurəti yaranmayıb”.
O, həmçinin qeyd edib ki, Ermənistan KTMT-yə müraciət etməyəcək. “KTMT-yə müraciət siyasi məsələdir. Müraciət etməyin vaxtının nə vaxt çatacağı haqqında danışmaq çox çətindir. Biz KTMT ilə sıx əməkdaşlıq edirik, amma konkret prosedurları başlatmaq başqa məsələdir. Ermənistan SQ ölkənin təhlükəsizliyini qorumaq iqtidarındadır”, deyə Paşinyan bildirib.
Ermənistan Qarabağ münaqişəsi zonasına beynəlxalq sülhməramlı qüvvələrin yeridilməsi mümkünlüyünü nəzərdən keçirmir, deyən Paşinyan Putinlə Rusiyanın Qarabağdakı döyüş əməliyyatlarına hərbi müdaxiləsi məsələsini müzakirə etmədiyini qeyd edib.
“Danışıqlar gündəliyində belə bir məsələ olmayıb”, deyə son iki-üç gündə iki dəfə Putinə zəng edən və münaqişə zonasındakı vəziyyəti müzakirə edən Paşinyan qeyd edib.
Bütün bu deyilənlərdən belə bir nəticə çıxarmaq olar ki, Moskvanı Yerevanı dəstəkləməyə razı salmaq mümkün olmayıb və Ermənistan Azərbaycanla təkbətək qalıb. -02D-
Siyasət
-
Mayın 15-də Ermənistan və Azərbaycan sərhədində Ermənistan və Azərbaycan baş nazirlərinin müavinləri Mher Qriqoryan və Şahin Mustafayevin sədrliyi ilə iki ölkənin dövlət sərhədinin delimitasiyası üzrə komissiyanın 9-cu iclası keçirilib.
-
Bakının Binəqədi Rayon Məhkəməsi Qarabağ separatçılarının ilkin həbs müddətinin uzadılması ilə bağlı istintaqın vəsatətini təmin edib. Arkadi Qukasyan, Bako Saakyan, Araik Arutyunyan, David Babayan, David İşxanyan, Lev Mnatsakanyan, David Manukyan və digərlərinin həbs müddəti 5 ay uzadılıb, Baş Prokurorluğun mətbuat xidmətinin məlumatında deyilir.
-
Mayın 15-də gündüz Slovakiyanın baş naziri Robert Fitsoya silahlı hücum olub.
-
ABŞ-da Texasdan olan konqresmen Henri Kuelyarın Azərbaycanın nəzarətində olan energetika şirkəti və Meksikadakı bankdan 600000 dollar rüşvət alması ilə bağlı araşdırma davam edir.
Rəy yaz