Açiq mənbələrdən foto.
Paşinyanın partiyası konstitusiya əksəriyyətinə malik olacaq və hökuməti təkbaşına formalaşdıracaq
Bakı/21.06.21/Turan: Nikol Paşinyanın partiyası yeni parlamentdə 105 mandatdan ən az 71-ni qazanacaq.
“Mərkəzi Seçki Komissiyasının dərc etdiyi ilkin nəticələrə görə, “Vətəndaş müqaviləsi” partiyası yeni parlamentdə konstitusiya əksəriyyətinə malik olacaq (105 deputatdan ən az 71-i) və mənim rəhbərliyim altında hökuməti formalaşdıracaq”, deyə Nikol Paşinyan Tvitter-də yazıb.
Bəzi məlumatlara görə, Paşinyanın komandası hətta 72 mandat əldə edəcək. Seçkilərin yekunlarına görə, Ermənistanın yeni çağırış milli məclisində 105 deputat olacaq, deyə Armlur nəşri yazıb. “Vətəndaş müqaviləsi” 72 mandat; “Ayastan” bloku 27 mandat; “Şərəfim var” bloku 6 mandat əldə edəcək.
Əvvəlki parlamentdə Paşinyanın tərəfdarları təxminən 80 mandata malik idi.
Beləliklə, hazırki hökumətin iki əsas düşməni – Robert Koçaryan və Artur Vanetsyan parlamentə düşəcək, amma hakimiyyətin qərarlarına təsir göstərə bilməyəcək.
Müxalifət nümayəndələri hökumətdə mühüm vəzifələr əldə edə bilməyəcək. -02D-
Siyasət
-
General-mayor Tiqran Xaçatryan şənbə günü Yerevanda saxlanılıb. Ermənistan KİV-in məlumatına görə, o 44 günlük müharibə ilə əlaqəli hadisələrdə ittiham olunur. Xatırladaq ki, Xaçatryan 2020-ci ilin oktyabrında Cəbrayıl yaxınlığında erməni qoşunlarının uğursuz əks-hücumunun müəlliflərindən biridir.
-
ABŞ-ın yeni seçilmiş prezidenti Donald Trampın andiçmə mərasiminə üç həftədən az vaxt qalıb və ölkənin baş diplomatı Entoni Blinken Asiya və Avropaya son turneyə çıxır, onu müşayiət edən Turan-ın Vaşinqton müxbiri bildirib.
-
Cümə günü ABŞ Helsinki Komissiyasının sədri Co Uilsonun rəhbərliyıi ikipartiyalı amerıkalı qanunvericilər qrupu MEGOBARİ Act qanununun qəbul edildiyini elan edib.
-
1 yanvar tarixində AZAL-ın Bakı-Kazan reysi zamanı Astrakhan üzərində radio müdaxiləsi və GPRS sistemində pozuntularla qarşılaşması ilə bağlı Turan informasiya agentliyinin məlumatına dair Amerikanın Səsinin sorğusuna cavab olaraq, Azərbaycan Hava Yolları (AZAL) mətbuat xidməti bəyanat yayıb. Hava yolu şirkəti qeyd edib ki, Bakı-Kazan reysi cədvələ uyğun olaraq və beynəlxalq təhlükəsizlik standartlarına tam uyğun şəkildə həyata keçirilib. Lakin bəyanatda radio müdaxiləsi və GPRS problemləri ilə bağlı iddialara birbaşa toxunulmayıb.
Rəy yaz