Pənah Hüseyn
Bakı/27.11.19/Turan: 1992-93-cü illərdə Xalq Cəbhəsi/Müsavat hökumətinin Qızıl Fondunu talaması barədə fikirlər həqiqətəuyğun deyil. Bunu Azərbaycanın keçmiş baş naziri Pənah Hüseyn BDU-nun 100 illik yubileyinə həsr olunmuş tədbirdə prezident İlham Əliyevin söylədiklərini şərh edərkən deyib.
Onun sözlərinə görə, Fond 1992-ci ilin iyulunda Azərbaycanın o zamankı prezidenti Əbülfəz Elçibəyin fərmanı ilə yaradılmışdı. İl ərzində Fondda 4 tona yaxın qızıl və digər qiymətli daş-qaş toplanmışdı.
1993-cü ilin iyununda Elçibəyin istefasından sonra Fondun yeni hakimiyyətə təhvil-təslim əməliyyatı aparılıb və heç bir çatışmazlıq aşkar edilməyib.
1998-ci ildə Fond heç bir izahat verilmədən ləğv edilib. Orada toplanmış qızılın və digər qiymətli daş-qaşların taleyi məlum olmayıb.
P.Hüseynin sözlərinə görə, 2010-cu ildə Fondun taleyilə bağlı deputat sorğusu göndərib: “Soğruya cavab vermək əvəzinə mənə hücumlar oldu, həbslə hədələndim. Bu barədə mətbuatda yazılar dərc edilib. Parlamentin iclas stenoqramlarında da bu, qeydə alınıb”, - P.Hüseyn bildirib.
O, Fondun talanmasına bağlılığı barədə ittihamları böhtan adlandırıb. –06D--
Siyasət
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
-
Avropa Şurası Parlament Assambleyasının (AŞPA) Monitorinq Komitəsinin Azərbaycan üzrə həmməruzəçisi Liz Kristoffersen, vətəndaş cəmiyyəti fəalları Anar Məmmədli və Qubad İbadoğlunun sağlamlıq vəziyyətinin pisləşməsi ilə bağlı ciddi narahatlığını bildirib.
Rəy yaz