![Pentaqonun Azərbaycana hərbi yardımı barədə](https://turan.az/resized/750/500/resize/media/2016/main/051800156389.jpg)
Pentaqonun Azərbaycana hərbi yardımı barədə
Son on ildə Azərbaycan ABŞ Müdafiə Nazirliyindən $20 mln. həcmində hərbi yardım alıb. Halbuki, Ermənistan demək olar ki, heç nə almayıb, eurasianet.org saytı yazıb.
ABŞ Dövlət Departamenti iki ölkəyə yardım məsələsində əsasən balansın saxlanması siyasətinə riayət edir. Lakin Azərbaycan Pentaqonun “Proqram 1004” və “Seksiya 1206” kimi proqramlarından fayda əldə ediib.
Məqalə müəllifi Coşua Kuçerin fikrincə, 2005-ci ildən Azərbaycan narkotiklərlə mübarizədə yardım üçün nəzərdə tutulan “Proqram 1004” üzrə $ 8,5 mln., həmçinin əks-terror yardımını təmin edən “Seksiya 1206” proqramından $11,5 mln. alıb. Ermənistan “Proqram 1004” çərçivəsində $ 41000 alıb. Ancaq ikinci proqram üzrə heç nə almayıb.
Azərbaycan üçün ayrılan vəsaitin böyük hissəsi Xəzər dənizində enerji infrastrukturunun qorunması və risklərin azaldılması məqsədilə hərbi-dəniz qüvvələrinə yönəldilib.
Müəllif qeyd edib ki Pentaqon balansı Azərbaycanın xeyrinə pozub: “Düzdür, Azərbaycanın aldığı 20 milyon dollar regional miqyasda kiçik məbləğdir. Məsələn, həmin dövrdə eyni proqramlar çərçivəsində Qırğızıstana 118 milyon dollar ayrılıb. Lakin Dövlət Departamenti son 10 ildə Azərbaycana və Ermənistana yardımı 2-4 milyon dollaradək azaldıb”.
1992-ci ildən ABŞ 907-cü düşəliş əsasında Azərbaycana yardımı məhdudlaşdırıb. Lakin 2001-ci ildən bu düzəlişin şərtləri hər il pozulur, müəllif yazır. Dövlət Departamenti hesab edir ki, bu, Azərbaycanın sərhədlərinin təhlükəsizliyinin dəstəklənməsi üçün vacibdir. Ancaq bu yardımdan Ermənistana qarşı istifadə edilməməlidir.-02D-
-
- İqtisadiyyat
- 18 May 2016 13:52
-
- Cəmiyyət
- 18 May 2016 14:02
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz