Peskov: “Rusiya Qarabağ üzrə əlaqələri davam etdirir və hər iki tərəfi təmkinli olmağa çağırır”

Bakı/14.09.23/Turan:  Moskva Dağlıq Qarabağda davam edən gərginlikdən narahatdır, Bakı və Yerevanla əlaqələri davam etdirir, hər iki tərəfi təmkinli olmağa çağırır. TASS-ın məlumatına görə, bu barədə cümə axşamı jurnalistlərə Rusiya Federasiyası prezidentinin mətbuat katibi Dmitri Peskov bildirib.

"Əlbəttə, biz narahatıq ki, gərginliyin səngiməməsindən,  hətta bəzi sahələrdə də artmağa meylli olmasından narahatıq. Nə olursa olsun, Rusiya təhlükəsizliyin etibarlı qarantı olaraq qalır. Biz həm Yerevan, həm də Bakı ilə əlaqələrimizi davam etdiririk. Və əlbəttə ki, biz hər iki tərəfi təmkinli olmağa və iki il bundan öncə imzalanmış üçtərəfli sənədlərin ruhunda hərəkət etməyə çağırırıq. Əlbəttə, o vaxtdan bəri ortaya çıxan yeni reallıqları nəzərə alaraq", -  o, Qarabağda gərginliyin artması ilə bağlı Moskvanın mövqeyi barədə sualın cavabında deyib. 0