Bakı/17.02.20/Turan: Polis dəstələri deputatlığa namizədlərdən və jurnalistlərdən ibarət qrupu MSK binasından uzaqlaşdıraraq, onların binaya girməsinə imkan verməyib.
Polis etiraz aksiyasının qanunsuz olduğunu bildirib. "Bizim tələblərimiz ədalətlidir və MSK şikayətlərimizə cavab vermək məcburiyyətindədir", deyə deputatlığa namizəd Xalid Bağırov jurnalistlərə bildirib. -02B-
* * *
2020 Fevral 17 (Bazar ertəsi) 17:08:57
Deputatlığa namizədlərin MSK binası qarşısında növbəti etiraz aksiyası
Bakı/17.02.20/Turan: Hakimiyyət deputatlığa namizədlərin və müxalifət fəallarının seçki nəticələrinin saxtalaşdırılmasına etiraz əlaməti olaraq bazar günü keçirdikləri aksiyadan sonra özünə gəlməyə fürsət tapmadan bazar ertəsi MSK qarşısında seçkilərin yekunlarının ləğv edilməsini tələb edən yeni bir izdiham yığışıb.
Belə ki, deputatlığa namizədlər Xalid Bağırov, Bəxtiyar Hacıyev, Nurlanə Cəlil və digərləri yenidən MSK binasının qarşısına gələrək, saxtalaşdırmalar haqqında şikayətlərinə cavab tələb ediblər.
"Məzahir Pənahov, qulaqlarından tıxacı çıxar və tələblərimizi eşit, şikayətlərimizə cavab ver!", deyə MSK binasının girişi qarşısında duran namizəd Xalid Bağırov qışqırıb.
Hadisə yerinə operativ olaraq çevik polis alayının əməkdaşları cəlb edilib, onlar toplaşanları dağılmağa çağırıblar. Bu arada, aksiya iştirakçılarının sayı artır, hadisə yerinə çox sayda jurnalist gəlib.
Xatırladaq ki, saat 16-da MSK-nın növbəti iclası başlayıb. İclasda şikayətlərə baxılmalıdır. -02B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz