Bakı/03.10.17/Turan: Oktyabrın 3-də Demokratik Qüvvələrin Milli Şurasının üzvlərini polisə çağırmağa başlayıblar. Buna səbəb onların 23 sentyabr mitinqində iştirak etməsidir. Bu barədə Turan-a Demokrat Partiyasının lideri Sərdar Cəlaloğlu bildirib.
Onun sözlərinə görə, çərşənbə axşamı partiya funksioneri Nurəddin İsmayıl, partiya sədrinin brinci müavini Həsrət Rüstəmov, partiya İdarə Heyətinin üzvü Zakir Hüseynov polisə çağırılıb.
"Polis öz səlahiyyətlərini aşır, vətəndaşların Konstitusiya ilə qorunan hüquqlarını pozur. 23 sentyabr mitinqi Bakı Şəhər İcra Hakimiyyətilə razılaşdırılmışdı. Odur ki, qanuni tədbirin iştirakçılarından hansısa açıqlama tələb etmək yolverilməzdir", - S.Cəlaloğlu bildirib.
Qeyd edək ki, 23 sentyabr mitinqində iştirak edən Klassik Xalq Cəbhəsi Partiyasının üzvləri də polisə çağırılıblar.
Xatırladaq ki, "Məhsul" stadionunda müxalifətin çoxminlik mitinqi "Talana yox!" şüarı ilə keçirilib.
Milli Şuranın növbəti aksiyası oktyabrın 7-nə təyin edilib.-05B-
Siyasət
-
ABŞ, Bəxtiyar Hacıyevə qarşı çıxarılan son məhkəmə qərarından dərin məyusluq hissi keçirir. Biz, ardıcıl olaraq, Azərbaycanı beynəlxalq öhdəliklərini yerinə yetirməyə və haqsız yerə həbs olunanları azad etməyə çağırırıq.
-
Yanvarın 14-də Bakı Ağır Cinayətlər Məhkəməsində alternativ "İşçi Masası" Həmkarlar İttifaqları Konfederasiyasının rəhbəri Afiyəddin Məmmədovun məhkəmə prosesi başa çatıb. Məhkəmə onu 8 il azadlıqdan məhrum edib.
-
Bazar ertəsi ABŞ prezidenti Co Bayden Dövlət Departamentində vida müraciətində Vladimir Putini Ukraynaya təcavüz etdiyinə görə lağa qoyub. "Putin işğal edəndə Kiyevi bir neçə gün ərzində fəth edəcəyini düşünürdü. Həqiqət budur ki, müharibə başlayandan Kiyevin mərkəzində dayanan tək adam mənəm, o deyil", - Bayden deyib, Turan-ın Vaşinqton müxbiri bildirib.
-
2024-cü il Azərbaycanda "repressiyaların və polis özbaşınalığının güclənməsi" ilə yadda qaldı. Bu barədə Siyasi Məhbusların Monitorinqi Mərkəzi hüquq-müdafiə təşkilatının Azərbaycanda insan hüquqlarının vəziyyətinə dair illik hesabatında deyilir.
Rəy yaz