Photo TURAN.
Bakı/12.04.22/Turan: Bu gün Azərbaycan Demokratiya və Rifah Partiyasının fəalları Ukraynada Rusiyanın təcavüzünə qarşı etiraz aksiyası keçiriblər.
Aksiyanın Rusiyanın Bakıdakı səfirliyinin qarşısında keçirilməsi planlaşdırılırdı, lakin hakimiyyət piketə icazə vermədiyi üçün gücləndirilmiş polis dəstələri etirazçılara səfirliyə yaxınlaşmağa imkan verməyib.
Polis dağılışmağı tələb edərək etirazçıları səfirlikdən uzaqlaşdırmağa başlayıb və bir neçə yüz metr onları müşayiət edib.
Aksiya iştirakçıları jurnalistlərə bildiriblər ki, Rusiyanın Ukraynaya qarşı təcavüzünə, bu ölkə sakinlərinin kütləvi qətlinə etirazlarını bildirməyə gəliblər.
"Buça, İrpen, Qostomel Xocalı soyqırımının davamıdır", - aksiya iştirakçılarından biri deyib.
Digər etirazçı bildirib ki, "Ukraynada hərbi cinayətlər törədən ordu sülhməramlı ola bilməz və Rusiya hərbçiləri Qarabağdan çıxarılmalıdır".
Etirazçılar Rusiyanın Ukraynada müharibəyə son qoymasını və Rusiya ordusunun bu ölkədən çıxarılmasını tələb ediblər.
Polislə toqquşma və saxlanılan olmayıb. – 06B-
Siyasət
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
-
Yanvarın 13-də Bakı Ağır Cinayətlər Məhkəməsi ictimai fəal Bəxtiyar Hacıyevi 10 il azadlıqdan məhrumetmə cəzasına məhkum edib. Məhkəmə həmçinin onun mənzilinin və bank hesablarındakı pulunun müsadirə edilməsi, həmçinin onun azad edildikdən sonra 1 il ərzində təlim-tərbiyə işləri ilə məşğul olmasının qadağan edilməsi haqqında qərar verib.
-
Azərbaycan prezidenti İlham Əliyev bu gün BƏƏ-yə işgüzar səfərə gəlib, bu barədə dövlət başçısının saytı məlumat yayıb.
-
Siyasi Menecment İnstitutunun həbsdə olan direktoru Azər Qasımlı bildirib ki, onun həbsinin “siyasi sifariş əsasında həyata keçirildiyini” hər kəs bilir və anlayır.
Rəy yaz