Antony Blinken
“Politico”: Blinken hesab edir ki, Azərbaycan Ermənistana girməyə hazırlaşır
Bakı/14.10.23/Turan: Ötən həftə dövlət katibi Entoni Blinken qanunvericilərdən ibarət kiçik qrupa xəbərdarlıq edib ki, onun idarəsi tezliklə Azərbaycanın Ermənistana girə biləcəyini mümkün sayır. Bu sensasiyalı xəbəri dünən Amerikanın “Politico” nəşri iki konqresmenə istinadən yayıb.
Oktyabrın 3-də telefon danışığı zamanı konqresmenlər Blinkendən Qarabağda hərbi əməliyyata görə Bakıya qarşı mümkün tədbirlərin görülməsini tələb ediblər.
Nəşrin məlumatına görə, Blinken bildirib ki, Dövlət Departamenti ABŞ-ın Bakıya hərbi yardım göstərməsinə imkan verən sazişi (907-ci düzəliş) yeniləməyəcək.
O həmçinin bildirib ki, "yaxın həftələrdə Azərbaycanın Ermənistanın cənubuna hücumunu mümkün hesab edir", - nəşr yazır.
Bununla belə, Ermənistanla Azərbaycan arasında davam edən diplomatik danışıqlara əminliyini ifadə edib.
Bildirilir ki, öz ermənipərəst baxışları ilə tanınan Konqres üzvləri Nensi Pelosi, Anna Eş, Frenk Pallone və Konqresin daha iki üzvü söhbətdə iştirak ediblər.
Dövlət Departamenti bu məlumatları şərh etməkdən imtina edib, lakin qurumun "Ermənistanın suverenliyinə və ərazi bütövlüyünə", münaqişənin "birbaşa danışıqlar" yoluyla həllinə sadiq olduğunu qeyd edib.
“Polıtıco” Azərbaycana hərbi yardım göstərilməsini qadağan edən Azadlığa Dəstək Aktına 907-ci düzəlişin yenidən tətbiqi barədə ABŞ-ın qərarını "vacib" adlandırır. 1992-ci ildə tətbiq edilmiş bu düzəliş 2002-ci ildən bəri hər il ləğv edilirdi, lakin indi yenidən qüvvəyə mindi.
Həmçinin nəşr Əliyevin xarici siyasət üzrə müşaviri Hikmət Hacıyevdən sitat gətirib. O, Azərbaycanın Ermənistan ərazisinə hər hansı iddiasının olmasını rədd edib.
«Azərbaycan hüquqi, tarixi və mənəvi cəhətdən bizim olanı “antiterror” əməliyyatı ilə bərpa edib və ermənilərin ərazilərinə girmək niyyətində deyil", - o əlavə edib. 02D
-
- Mədəniyyət
- 14 Oktyabr 2023 13:44
Siyasət
-
Çərşənbə günü səhər Türkiyənin Akinci pilotsuz təyyarəsi İran prezidentinin göyərtəsində olduğu güman edilən helikopterin qəzaya uğradığı qaynar nöqtəni aşkar edib, bu barədə yerli vaxtla saat 03:50-də İrna agentliyi məlumat verib.
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
Rəy yaz