Prezident İlham Əliyev Avropa İttifaqını nankorluqda və gənclərin beynini yumaqda ittiham edir

Prezident İlham Əliyev Azərbaycanın Avropa İttifaqı ilə münasibətlərinin qeyri-müəyyən perspektivlərindən danışıb. "Avropa Komissiyası ilə münasibətlərimizin necə inkişaf edəcəyini söyləmək çətindir, amma keçən il məyusluqlarla dolu bir il oldu. Məhz keçən il Avropa İttifaqı birmənalı olaraq Ermənistanın tərəfini tutdu", - yanvarın 7-də prezident İlham Əliyev Azərbaycan telekanallarına müsahibəsində deyib.

O, Avropa İttifaqının müşahidə missiyasının sərhəddə olmasını tənqid edib.

Missiyanın göndərilməsi 2022-ci ilin oktyabrında Praqada Bakı ilə razılaşdırılıb, onun 40 nəfərdən ibarət olacağı və 2 ay fəaliyyət göstərəcəyi güman edilirdi.

"Ancaq sonra heç bir xəbərdarlıq olmadan və bizimlə razılaşdırılmadan, bu missiyanı uzatdılar və artırdılar, Avropa İttifaqının üzvü olmayan  ölkəni oraya dəvət etdilər", - əliyev deyib. O, bunu Azərbaycana qarşı düşmənçilik kimi görüb.

Daha sonra o, sərhəddə müşahidəçilərin binokl ilə Azərbaycan tərəfə baxmasından hiddətlənib.

 “Onların oradan necə sürətlə qaçacağını göstərmək istəmirəm, əgər kimsə təsadüfən Azərbaycan ərazisinə soxularsa, onda, sadəcə görəcəklər, ki, əllər necə qaşınır”, - Əliyev istehza ilə deyib.

Daha sonra o, "Azərbaycana binokl ilə baxan "Polşa prezidentinin hərəkətlərindən hiddətlənib.

“Bu, sadə məsələ deyil. Bu, münasibət deməkdir. Binoklla sanki düşmənə baxırsan. Əgər siz Azərbaycana belə münasibət bəsləyirsinizsə, onda biz necə münasibət göstərə bilərik?”

“Ötən il Avropa İttifaqının əldə etdiyi nəticə ondan ibarət oldu ki, o, Azərbaycan-Ermənistan trekinin normallaşması prosesindən tamamilə kənarlaşdırıldı. Əgər Ermənistanın silahlandırılmasının və qondarma Sülh fondunun bundan sonra da davamı olacaqsa, bizim tərəfimizdən adekvat hərəkətlər ediləcək”, - Əliyev vurğulayıb.

Növbə  "Azərbaycanofobiya"nın hökm sürdüyü Avropa Parlamenti və Avropa Şurası Parlament Assambleyasına  çatıb.

“Bunların bütün fəaliyyəti bizim Avropa İttifaqı ilə proqramların hamısını dayandırmağımıza gətirib çıxardı. Bütün tvininq proqramları dayandırılıb, Avropa İttifaqının leqal olan qrantlarının hamısı dondurulub. Qismən qeyri-leqal olanlar da var, əsasən Gürcüstandan keçməklə sərhəddən buraya pullar gətirilir, yenə də sorosçu strukturların əlaltıları vasitəsilə, amma əvvəlki kimi deyil, həm də bizim hüquq-mühafizə orqanları bütün bunları izləyir. Amma bizim leqal qrantlardan imtina etməyimizin səbəbi odur ki, onlar ərazimizdə gələcəyə, əsasən gənclərə istiqamətlənmiş öz platformalarının yaradılmasına yönəldilmişdi”, - Əliyev deyib.

Təəssüf ki, biz Azərbaycan gəncliyinin bəzi nümayəndələrinin xəyanət yolu tutduğunu görürük, açıq-aşkar satqınlıq, erməniçiliklə əməkdaşlıq – bu da NED (Аmerikanın “National Endowment for Democracy”) və EED (“Europеan Endowment for Democracy”) tərəfindən maliyyələşdirilən sözdə qrant proqramları vasitəsilə beyinlərin yuyulmasının nəticəsidir.

Əgər gələcəkdə də davam edəcəksə, daha böyük divar (Avropa və Azərbaycan arasında) ucaldılacaq.

Onlar Mərkəzi Asiya ölkələri ilə yaxınlaşmaq üzrə öz siyasətini necə həyata keçirəcəklər?

Rusiya üzərindən əlaqə saxlayacaqlar? Şübhə edirəm. Bəlkə İran üzərindən? Yenə də şübhə edirəm. Azərbaycanın altından tunel çəkəcəklər? Yəqin ki, bu da olmayacaq. Ona görə də bu məsələyə, sadəcə, ayıq başla yanaşmaq, Avropaya, hər hansı Avropa ölkəsinə qarşı heç vaxt pis bir şey etməmiş Azərbaycanı etibarlı tərəfdaş kimi qiymətləndirmək lazımdır”, - Əliyev bildirib.