Prezident İlham Əliyev bir sıra xarici nümayəndə heyətlərini qəbul edib

İyunun 10-da prezident İlham Əliyev bir sıra xarici nümayəndə heyətlərini qəbul edib. Bu barədə dövlət başçısının mətbuat xidməti məlumat yayıb.

Fələstinin xarici işlər naziri Riad Malki Fələstin rəhbəri Mahmud Abbasın məktubunu İ.Əliyevə təqdim edib.

Sonra İ.Əliyev Mərakeş Krallığının islam işləri və vəqflər naziri Əhməd Toufiqi qəbul edib.

Görüş zamanı iki ölkə arasında iqtisadi və digər sahələrdə əlaqələrin inkişafı məsələləri barədə fikir mübadiləsi aparılıb.

Dövlət başçısı Gürcüstanın işğal olunmuş ərazilərdən daxili köçkünlər və qaçqınlar üzrə naziri David Daraxvekidze ilə görüşüb.

Həmçinin dövlət başçısı Banqladeşin xarici işlər naziri Dipu Moninin başçılıq etdiyi nümayəndə heyətini qəbul edib.

Bundan sonra prezident Belarusun xarici işlər naziri Vladimir Makey, Bosniya və Herseqovinanın xarici işlər naziri Zlatko Laqumciyanı qəbul edib.

Görüşlərdə ikitərəfli münasibətlərin inkişafı məsələləri müzakirə edilib.-02D-

Rəy yaz

Ad *

Rəyiniz *

Oxudum və razıyam Şərh göndərmə qaydaları