Mətbuat-Monitorinq 11.06.13

    Rəsmi və iqtidaryönlü qəzetlər dövlət başçısı İlham Əliyevin Bosniya-Herseqovinanın, Belarusun, Banqladeşin xarici işlər nazirlərini qəbul etməsi xəbərlərini ön səhifəyə çıxarıblar. 

   “Azadlıq” qəzeti “LUKoyl”un prezidenti Vahid Ələkbərovun anasının xatirəsinə Bakıda kilsə tikdirmək istəməsinə dövlət başçısı İlham Əliyevin razılıq verməməsinin münasibətlərin pozulmasına səbəb olmasını lik səhifəyə çıxarıb.  

  Vəkil Aslan İsmayılov həbsdə olan “NİDA”çı, talassemiya xəstəsi Zaur Qurbanlının bu xəstəliklə həbsdə saxlanmasını işgəncə adlandırıb.   

  AXCP funksionerləri Oğuz rayonu və Sumqayıt şəhərində konfranslar keciriblər.

  İslam Partiyasının funksioneri Rövşən Əhmədli rəsmi Bakının müxalif qüvvələrə düşmən mövqeyinin problemləri daha da dərinləşdirdiyini söyləyib.

  “Paşa Holdinq”in direktoru Mir Camal Paşayev “Kapitalbank”ın Müşahidə Şurasının sədri seçilib.

  Siyasi ekspertlər Lənkərana konfrans keçirməyə gedən AXCP nümayəndə heyətinin burada zoraklığa məruz qalmasını “siyasi terror” kimi şərh ediblər.

  Jurnalist Xədicə İsmayıl məhkəmə qərarının çıxardığı cəriməni ödəmədiyi üçün 220 saatlıq ictimai işə cəlb ediləcək.  

  “Zerkalo” Vaşinqtonun Azərbaycan və Ermənistan dövlət başçıları arasında tezliklə görüşün keçirilməsinə israr etməsində şübhəli məqamın olmasına “baxmayaraq ki, Azərdaycanda qarşıda prezident seçkiləridir və belə hallarda vasitəçilər “məzuniyyətə çıxırlar” ifadəsilə işarə edir.

   “Ekspress”  ARDNŞ-nin Ermənistana qaz-neft təklfini “qaz əvəzinə Qarabağ” kimi şərh edir.

   “Exo” Parisdə elan edilən “Mühacir Qərbi Ermənistan Parlamenti”nin yaydığı bəyannamədə Türkiyəyə, Azərbaycana və Gürcüstana ərazi iddialarının yer almasını manjetə çıxarıb.

   “Novoe Vremya”  ABŞ-ın Azərbaycandakı səfirinin azad seçkilər gözləməsi bəyanatına “hansı azad seçkilərdən danışırsınız, cənab səfir” deyə Azərbaycanda azad seçki mühitinin olmadığını  yada salır.

   “Bizim yol” Müsavat Partiyasının başqanı İsa Qəmbərin seçicilərlə görüşlərini davam etdirməsini “İsa Qəmbərin Rüstəm İbrahimbəyovun yolunu kəsməsi, Milli Şuranın vahid namizəd problemi yaranması” kimi dəyərləndirir.

     “Yeni Müsavat”  Azərbaycanın Yekaterinburqdakı konsulu Mahmud Əhmədovun qızını rüşvətlə universitetə düzəltməsinin üzə çıxması xəbərini ulk səhifəyə çəkib.

    Rəsmi Bakının demokratik qüvvələrin birliyi olan Milli Şuraya vurmaq istədiyi “Moskvanın layihəsi” adını üzərindən götürməsi üçün ekspertlər quruma “yalnız Avrointeqrasiya!” şüarının əsas götürülməsi təklifini səsləndiriblər.