Prezident İlham Əliyev.
Prezident İlham Əliyev Cəbrayıl və Qubadlıya səfər edir
Bakı/19.10.22/Turan: Oktyabrın 19-da prezident İlham Əliyev 2020-ci ildə 44 günlük müharibə zamanı erməni işğalından azad edilmiş Cəbrayıl və Qubadlı rayonlarına səfər edib.
Səfər zamanı o, Şükürbəyli-Cəbrayıl yolunun 14 kilometrlik hissəsinin açılışında iştirak edib.
Cəbrayıl rayonunda Əliyev “Azərbaycan-Türkiyə Beynəlxalq Meşə Təlim Mərkəzi”nin layihəsilə tanış olub.
Sonra nadir heyvanların reintroduksiyası layihəsi çərçivəsində Cəbrayıl rayonu ərazisinə 18 baş ceyranın buraxılması mərasimində iştirak edib.
Bundan əlavə, dövlət başçısı Elektrik Şəbəkəsini Rəqəmsal İdarəetmə Mərkəzinin təməlini qoyub və 330/110 kV gücündə “Cəbrayıl” beynəlxalq paylayıcı yarımstansiyanın tikintisilə tanış olub.
Həmçinin Əliyev Qubadlı rayonunda “Bergüşadçay” və “Zabuxçay” su anbarlarının layihələrilə tanış olub, Qubadlı Elektrik Şəbəkəsini Rəqəmsal İdarəetmə Mərkəzinin təməlini qoyub. Qubadlı şəhərinin baş planı prezidentə təqdim olunub.
Əliyev Qubadlıda İşğal və Zəfər muzeylərinin təməlqoyma mərasimində də iştirak edib.
Xatırladaq ki, oktyabrın 20-də Zəngilan rayonunda prezident İlham Əliyev və Türkiyə prezidenti Rəcəb Tayyib Ərdoğanın iştirakı ilə beynəlxalq aeroportun açılışı olacaq. 06B
-
- Cəmiyyət
- 19 Oktyabr 2022 17:02
Siyasət
-
Azərbaycanın Xarici İşlər Naziri Ceyhun Bayramov şənbə günü BMT Baş Assambleyasının illik sessiyasında çıxış edərək Ermənistanla “qismən sülh”ün mümkün olmadığını bəyan edib. Bu açıqlama İrəvanın həftənin əvvəlində daha nikbin mövqe sərgiləməsindən sonra səsləndirilib. Bayramovun sözləri iki ölkə arasındakı mövqelərin kəskin fərqliliyini ön plana çıxararaq, hərtərəfli sülh müqaviləsinin yekunlaşdırılması üçün qarşıda duran əhəmiyyətli maneələri vurğuladı.
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
Rəy yaz