![Prezident İlham Əliyev.](https://turan.az/resized/media/2020/main/122400035977-750-500-resize.webp)
Prezident İlham Əliyev.
Prezident İlham Əliyev: “Əgər bir güllə atılsa, onları elə günə salarıq ki, öz adlarını unudarlar”
Bakı/24.12.20/Turan: "Qubadlının azad edilməsi uğrunda döyüşlər ağır oldu, çünki orada ermənilər çox möhkəmlənmişdilər. Bu rayonun azad edilməsi bizə böyük üstünlük verdi", - dövlət başçısı İlham Əliyev Qubadlı rayonuna səfər zamanı əsgərlərlə söhbətində bildirib.
O, hərbi əməliyyatların gedişinə toxunaraq qoşunların Şuşaya ermənilərin gözlədikləri istiqamətlərdən deyil, başqa istiqamətdən daxil olduğunu deyib. Qubadlının götürülməsi bunu Laçına və Qırmızı bazara – ermənilərin hücum gözlədiyi yerlər- girmədən etməyə imkan verdi.
“Ermənistan düzgün nəticə çıxarmalıdır. Revanş hissi ilə yaşayacaqlarsa, onların axırı pis olacaq. Əgər o tərəfdən buraya bir güllə atılsa, onları elə günə salarıq ki, ümumiyyətlə, öz adlarını unudarlar”, - İ.Əliyev hədələyib.
Sonra o, Zəngilana gedib, orada da Azərbaycan bayrağı qaldırılıb. Dağılmış məscidə daxil olan dövlət başçısı xatırladıb ki, ermənilər orada donuz saxlayırdılar. “İndi bəziləri azad edilmiş torpaqlarda erməni xalqının dini irsi haqqında məsələ qaldırırlar. Bəs, bizim milli-dini irsimiz haqqında niyə heç kim məsələ qaldırmayıb? Bu yaxınlarda UNESCO-nun bir məmuru əsassız bir ifadə işlədib ki, guya bizə müraciət olunub, Azərbaycan isə səssiz qalıb. Biz 30 il ərzində dəfələrlə UNESCO-ya müraciət etmişik, dəfələrlə bildirmişik ki, bizim məscidlərimiz dağıdılıb, tarixi abidələrimiz dağıdılıb, bizim tarixi abidələrimiz erməniləşdirilir, bir dəfə missiya göndərildimi? Yaxşı, məscidi dağıtmaq olar? Bu, riyakarlıqdır”, - İ.Əliyev deyib.
Azərbaycan ərazilərinə dəymiş bütün ziyana və dağıntılara görə Ermənistan cavab verməli olacaq, -İ.Əliyev bildirib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz