Prezident İlham Əliyev: “Koronavirusla bağlı vəziyyət nəzarət altındadır”

Bakı/04.03.20/Turan: Azərbaycanda koronavirusun yayılması ehtimalı o qədər də yüksək deyil, prezident İlham Əliyev bildirib.

Azərbaycana gəlincə, vəziyyət nəzarət altındadır, Nazirlər Kabineti yanında xüsusi operativ qərargah yaradılıb”, - o, martın 3-də Goranboy rayon xəstəxanasının kollektvi ilə görüşdə bildirib.

İranda olan Azərbaycan vətəndaşlarının evakuasiyası üçün tədbirlər görülüb. “Onların həm quru sərhəddi, həm də hava nəqliyyatı ilə Azərbaycana gətirilməsi təmin ediləcək. Lakin hamı başa düşməlidir ki, xəstəliyin Azərbaycanda yayılmasına yol verməmək üçün müəyyən müddət karantində qalmaq lazımdır”, -İ.Əliyev deyib.

Eyni zamanda məktəblərin, universitetlərin, uşaq bağçalarının müvəqqəti bağlanması ilə bağlı tapşırıqlar verilib.

“Bu günə olan məlumata görə, xəstəliyin Azərbaycanda yayılması ehtimalı o qədər də yüksək deyil. Ancaq deyə bilərəm ki, ölkə ərazisində gündə bir neçə dəfə monitorinq aparılır, bütün sərhəd-buraxılış məntəqələrində xüsusi cihazlar quraşdırılıb”, - dövlət başçısı vurğulayıb.

Hakimiyyət strukturlarındakı mənbələrdən alınan məlumata görə, dövlət müəssisələrinə bütün tədbirləri və digər kütləvi toplantıları müvəqqəti dayandırmaq tapşırılıb. Əməkdaşlara evdən çalışmaq təklif edilib.06D-