Prezident İlham Əliyev Mərkəzi Klinik Xəstəxanada Binəli Yıldırıma baş çəkib /YENİLƏNİB/
Bakı/21.10.22/Turan: Cümə günü prezident İlham Əliyev Türkiyə hakim Ədalət və İnkişaf Partiyasının sədr müavini Binəli Yıldırım, deputat Şamil Ayrım və mühafizəçi Oğuzhan Dəmirçiyə xəstəxanada baş çəkib. Onlar ötən gün Cəbrayılda qəzaya düşüblər.
Əliyev onlarla söhbət edib, tezliklə sağalmalarını arzulayıb, Azərbaycan prezidentinin saytı bildirib.
Öz növbəsində Yıldırım, Ayrım və Dəmirçi operativ tədbirlərə, qayğıya və müalicəyə görə minnətdarlıqlarını bildiriblər.—06B-
* * *
2022 Oktyab 21 (Cümə) 11:25:48
Səhiyyə Nazirliyi: Bu gün Binəli Yıldırım xəstəxanadan buraxılacaq /YENİLƏNİB/
Bakı/21.10.22/Turan: Ötən gün yol qəzasına düşən Türkiyə nümayəndə heyətinin üzvləri Binəli Yıldırım, Şamil Ayrım və Oğuzxan Dəmirçinin vəziyyəti qənaətbəxşdir. Bu barədə Turan-a oktyabrın 21-də Azərbaycan Səhiyyə Nazirliyindən bildiriblər.
Qeyd olunub ki, xəsarət alanlar Mərkəzi Klinik Xəstəxananın həkimlərinin nəzarəti altındadır və gün ərzində xəstəxanadan buraxılacaqlar. 05В06
* * *
2022 Oktyab 20 (Cümə axşamı) 22:46:54
Türkiyənin keçmiş baş naziri Binəli Yıldırım Zəngilanda qəza keçirib, xəstəxanaya yerləşdirilib
Bakı/20.10.22/Turan: Cümə axşamı Azərbaycanın Zəngilan rayonunda Türkiyədə hakim Ədalət və İnkişaf Partiyasının sədr müavini Binəli Yıldırım və millət vəkili Şamil Ayrımın olduğu avtomobil qəzaya düşüb. Türkiyənin TRT telekanalı oktyabrın 20-də bildirib ki, onların hər ikisi helikopterlə Bakıdakı klinikalardan birinə çatdırılıb.
Onlar prezident Ərdoğanı Azərbaycana səfərdə müşayiət edən nümayəndə heyətin tərkibində idilər. Heyət Zəngilanda beynəlxalq hava limanının və qonşu Cəbrayılda bir sıra obyektlərin açılış mərasimində iştirak etmək üçün gəlib.
Qəza səfər başa çatdıqdan sonra, nümayəndə heyəti Cəbrayıldan Zəngilan hava limanına gedərkən baş verib.
Yıldırım və Ayrımın vəziyyəti normaldır, həkim nəzarətindədirlər. Türkiyənin Səhiyyə naziri Fahrettin Koca öz Tvitter hesabında zərərçəkənlərlə telefonla danışdığını və onların vəziyyətinin qənaətbəxş olduğunu yazıb. Qəzanın səbəbi barədə məlumat verilmir.
Xatırladaq ki, Binəli Yıldırım 2016-2018-ci illərdə Türkiyənin baş naziri vəzifəsində çalışıb. -16/2B-
-
- Sual-cavab
- 21 Oktyabr 2022 12:05
-
- Maliyyə
- 21 Oktyabr 2022 12:40
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz