Prezident İlham Əliyev Şuşada tikinti işlərilə tanış olub və Xankəndidə futbol matçına baxır

Bakı/21.12.23/Turan: Dövlət başçısı Qarabağ kəndlərinə səfərini davam etdirir və Şuşada bir sıra obyektin tikintisinin gedişilə tanış olur.

O, Xocalı rayonunun Dağdağan kəndinə, həmçinin Şuşa rayonunun Daşaltı kəndinə gedib. Daşaltıda yerli məscidin tikintisinin gedişilə tanış olub, prezidentin saytının məlumatında deyilir.

Şuşada Əliyev 23 binadan ibarət ilk yaşayış kompleksinin tikintisilə tanış olub. Kompleksin ümumi sahəsi 8 hektardır, səkkiz binanın inşasına ötən il iyulun 1-də, digər 15 binanın tikintisinə sentyabrın 1-də başlanılıb. Kompleksin yaxın vaxtlarda istifadəyə verilməsi planlaşdırılır. Kompleksdə ümumilikdə 450 mənzil olacaq, binalar 3 və 5 mərtəbəlidir. Mənzillərin böyük hissəsi keçmiş məcburi köçkünlərə veriləcək, məlumatda qeyd olunur.

Sonra Əliyev Aşağı Gövhər Ağa məscidində xarici mütəxəssislərin iştirakı ilə aparılan bərpa işlərilə tanış olub.

Bu gün Xankəndidə "Qarabağ" və Mərkəzi Ordu Idman Klubu komandaları arasında Azərbaycan kuboku uğrunda futbol oyunu keçirilir.

İlham Əliyev şəhər stadionuna gedərək toplaşanlar qarşısında çıxış edib və hamını Qarabağın azad edilməsi münasibətilə təbrik edib. -0-