Prezident vəzifəsinə namizədlərin sayı 14 nəfərə çatıb

Bu gün MSK prezidentliyə daha iki namizədin – İsmayıl Yusifov və Elşən Həsənovun namizədliyini təsdiq edib. Hər iki şəxs öz namizədliyini özü irəli sürüb. Yusifov 2011-ci ilə qədər Klassik Xalq Cəbhəsi partiyasının üzvü olub, Həsənov isə dövlət qeydiyyatı olmayan Sosialist Partiyasının rəhbəri kimi təqdim edilir.

Bir müddət əvvəl MSK daha iki namizədi, o cümlədən hazırki prezident, Yeni Azərbaycan Partiyasının sədri İlham Əliyevi, Azadlıq Partiyasının rəhbəri Əhməd Orucu, namizədliyini özü irəli sürmüş İlqar Altayı, Ümid Partiyasının sədri İqbal Ağazadəni, Liberal-Demokrat Partiyasının sədri Fuad Əliyevi, Vətəndaş və İnkişaf Partiyasının lideri Əli Əliyevi, Azərbaycan Vahid Xalq Cəbhəsi Partiyasının lideri Qüdrət Həsənquliyevi, Sosial-Demokrat Partiyasının rəhbəri Araz Əlizadəni, Müasir Müsavat Partiyasının sədri Hafiz Hacıyevi, namizədliyini özü irəli sürmüş Zahid Orucu, Milli Dirçəliş Partiyasının sədri, deputat Fərəc Quliyevi və Şərq-Qərb Araşdırmalar Mərkəzinin direktoru Ərəstun Oruclunu təsdiq edib.

MSK-ya təsdiq üçün Ədalət Partiyasının lideri, deputat İlyas İsmayılovun və ReAl hərəkatının həbsdə olan lideri İlqar Məmmədovun sənədləri də təqdim edilib. Lakin İstintaq Təcridxanasında sonuncunun yanına notariusu buraxmayıblar və onun sənədlərdəki imzaları təsdiq olunmayıb.

İmza vərəqələrinin təqdim edilməsi müddəti 9 sentyabr saat 18.00-da başa çatır. -06D-