Prezident yanında Strateji Araşdırmalar Mərkəzinin əməkdaşlarının səviyyəsi barədə

Bir neçə ildir ki, Bakıda ölkə prezidenti yanında Strateji Araşdırmalar Mərkəzi fəaliyyət  göstərir. Bu araşdırmaların genişliyi və keyfiyyət göstəriciləri qurumun məhsulu hesab olunur. Lakin aparıcı araşdırma mərkəzi adına iddiaçı təşkilat elementar məsələlərdə kobud səhvlərə yol verir.

Məsələn, avqustun 3-də Mərkəzin mətbuat xidməti bildirib ki, avqustun 19-da çox mühüm tədbir keçirələcək və bütün jurnalistlər dəvətlidir.

Tədbir  “Malvina/Falkland adaları ətrafında mübahisə və beynəlxalq hüquq” mövzusunda keçiriləcək, deyə elanda deyilir. Lakin, o adaların adı “Malvin-Folklendir”.

Bu cür səhv, məhsul şəxlərin və ictimaiyyətlə əlaqələrə kuratorluq edənlərin  beynəlxalq hadisələr haqda bilgisinin olmamasından xəbər verir.

Belə ki, prezident qurumunun nümayəndələri Böyük Britaniya və Argentina arasında hərbi münaqişəyə səbəb olan Malvin-Folklend adaların düzgün adını bilmirlər.

Elandakı yalnışlıqla əlaqədar Turan agentliyinin iradına cavab olaraq mətbuat xidmətinin nümayəndəsi bizi “aqressivlikdə” ittiham etməkdən başqa  heç nə tapmayıb və bildirib ki, “ona nə veriblər onu da göndərib”.

Görünür, Strateji Araşdırmalar Mərkəzinin əməkdaşları Malvina və Buratino haqda uşaq kitablarını daha tez oxuyurlar, nəinki beynəlxalq siyasətlə bağlı dövrü mətbuatı. Ancaq bu, sözügedən təşkilat rəhbərliyini düşündürən problemdir. -02В-