Prezidentin dövlət şirkətlərilə bağlı çıxışından sonra 100 yeni London taksisi

Bakı/20.08.20/Turan: Avqustun 6-da prezident İlham Əliyev neft-qaz hasil edən, su paylayan, elektrik enerjisi istehsal edən,  aviasiya, dəmir yolu daşınmalarını və s. həyata keçirən dövlət şirkətlərinin işini tənqid edib. 

Onun sözlərinə görə, dövlət şirkətləri “sosializm iqtisadi modeli” üzrə işləyirlər - dövlətdən pulsuz iri infrastruktur, kapital qoyuluşları alırlar, amma dövlət büdcəsinə mənfəət yoxdur.

Belə görünürdü ki, bu çıxışdan sonra dövlət şirkətlərinin bahalı alışları üçün dövlət, yəni xalqın vəsaitinin xərclənməsinə son qoyulacaq. Lakin avqustun 12-də prezident İ.Əliyev Azərbaycana idxal olunan 100 yeni LEVC TX-yə (London taksiləri və ya onları keblər adlandırırlar) baxış keçirib. Taksilər Nəqliyyat Nazirliyi tərəfindən bu nazirliyə məxsus “Bakı taksi xidməti” şirkəti üçün alınıb.

Lakin istənilən dövlət qurumu kimi, Nəqliyyat Nazirliyi də avtomobillərin hansı qiymətə və hansı şəraitdə alındığını açıqlamalyıb.  Şəbəkədə avtomobillərin qiyməti barədə qeyri- rəsmi məlumat yayılıb -55 min funt-sterlinq. Lakin bu rəqəm şübhə doğurur, çünki Azərbaycanda taksi xidmətlərinin qiymətinin aşağı olduğu şəraitində avtomobilin özünü doğrultması praktiki olaraq mümkün deyil.

Məsələn,  xatırlamaq olar ki, 2011-ci ildə 27 mln. dollar  və ya bir ədədə görə 27 min dollar məbləğində 1000 ədəd London taksisinin gətirilməsi üçün müqavilə bağlanmışdı.

Dollarlara hesablanarkən, indiki “keb”lər 72 min dollara başa gəlməlidir. Bu 2020-ci ilin Cadillac Escalade Wagon 6.2 V8 AWD AT Luxury avtomobilinin qiymətidir. Onun necə göründüyünə burada baxmaq olar: 894fabf5b5f2ea66be5a4d774af33035.jp

Turan agentliyi Maliyyə Nazirliyinə informasiya sorğusu ilə müraciət edib. Oradan sorğunu Nəqliyyat Nazirliyinə göndəriblər. Avqustun 17-də agentlik yalnız bir suala cavab verməsi üçün Nəqliyyat Nazirliyinə elektron və çap sorğusu göndərib: Taksilər hansı maliyyə şərtləri (qiymət, kredit faizi, kreditin müddəti) ilə gətirilib?

Agentlik göstərib ki, KİV haqqında Azərbaycan Respublikasının qanunu jurnalistin sualına 24 saatdan gec olmayaraq operativ cavab tələb edir.

“İnformasiya əldə etmək haqqında” Azərbaycan Respublikası qanununun 21.1-ci maddəsinə əsasən informasiya sorğusu qısa müddətdə, lakin 7 iş günündən gec olmayaraq icra edilir.

Agentliyin qoyduğu suala cavab vermək üçün maksimum yarım saat vaxt lazım olardı.

Nazirliyin nəzərinə çatdırmaq istərdik ki, savab verməkdən imtina etmək, yaxud cavabı uzatmaq korrupsiya əməlidir.

Azərbaycan Respublikasının “Korrupsiyaya qarşı mübarizə” haqqında qanununda bildirilir ki, qanunla və ya digər normativ hüquqi aktlarla verilməsi nəzərdə tutulmuş məlumatların fiziki və ya hüquqi şəxslərə verilməsindən əsassız imtina etmək, belə məlumatların verilməsini gecikdirmək və yaxud natamam və ya təhrif olunmuş məlumatlar vermək korrupsiya ilə əlaqədar hüquqpozma sayılır.

Bu informasiyanın ictimai maraq doğurduğunu və bu maşınların əldə olunmasının əksər KİV-də işıqlandırıldığını nəzərə alaraq Turan agentliyi Nəqliyyat, Rabitə və İnformasiya Texnologiyaları Nazirliyindən 17 avqust 2020-ci il tarixli 487 saylı məktuba cavab verməyi açıq şəkildə xahiş edir.

Agentlik həmçinin nazirlikdən işi məhkəməyə qədər çıxarmamağı və qiymətli vaxtı məhkəmə çəkişmələrinə ayırmamağı xahiş edir.

Təəssüflə qeyd etmək istərdik ki, bizim informasiya sorğularına məhkəmə qaydasında cavab almaq aylarla, bəlkə də bir il sürər. —0—