Azərbaycanın baş “qanuni oğrusu”nun qətlinin mənzərəsi (YENİLƏNİB)

Azərbaycanın baş “qanuni oğrusu”, kriminal aləmdə Lolu Quli kimi tanınan Nadir Səlifovun qətlinin motivi dörd il öncə Qulinin əsas rəqibi, “qanuni oğru” Rövşən Caniyevin (Lənkəransi) qətlinə görə qisasdır . Bu barədə cümə axşamı, avqustun 20-də “Praym Kraym” məlumat verib.

Agentliyin məlumatına görə, qətl zamanı Quli otaqda arxası qapıya tərəf oturub kart oynayırmış. Otaqda avtoritetdən başqa daha iki nəfər, o cümlədən onun mühafizəçisi də olub. İçəri girən qatilə, Xaqan Zeynalova (Xan Bakinski) heç kim diqqət yetirməyib, çünki o, çoxdan Qulinin əhatəsinə daxil olub və avtoritetin etibarını qazanmışdı. “Qanuni oğru”nu başının arxasına atəş açaraq öldürüblər.

Qulinin mühafizəçisi cavab atəşi açıb, ancaq X.Zeynalov cinayət yerindən qaçıb. Sonradan onu polis əməkdaşları saxlayıblar.

Guli 2000-ci ildə “qanuni oğru” olub. Son zamanlar onunla rəqibləri arasında tez-tez münaqişə baş verirdi.

Quli və Caniyev arasındakı qarşıdurmanın əsas səbəbinin Rusiyada tərəvəz və göyərti bazarlarının bölüşdürülməsi olduğu deyilir. 2016-cı ildə İstanbulda R.Lənkəranskini güllələyəndə Quli mərhumun ətrafının qətldə şübhəli bildiyi ilk şəxslərdən biri oldu. R.Canıyevin ölümündən sonra Yekaterinburqda onun havadarlıq etdiyi tərəvəz bazası Qulinin hakimiyyətinə keçib.

*   *   *

2020 Avqust 20 (Cümə axşamı) 15:00:36

Azərbaycanın baş “qanuni oğru”su Türkiyədə güllələnib

Krımınal alimdə Lotu Quli ləqəbilə tanınan azərbaycanlı “qanuni oğru” Nadir Səlifov Türkiyənin Antalya şəhərində öldürülüb.  Bu barədə cümə axşamı, avqustun 20-də RİA Novosti məlumat verib.

Agentliyin məlumatına görə, o, restoranda şam yeməyi zamanı güllələnib. İlkin məlumatlara görə, atəş açan Lotu Qulinin ətrafına daxil olmuş kriminal avtoritet Xan Əhmədlinski olub. Başından ağır yaralanan Quli xəstəxanaya aparılıb, orada huşu özünə gəlmədən vəfat edib. Onun qatili isə qaçıb gizlənə bilib. Ancaq bir müddət sonra onu Dənizli şəhərinə gedən şossedə saxlayıblar.

Mərhum müasir oğru dünyasının ən tanınmış nümayəndələrindən biri idi. 1972-ci ildə anadan olan N.Səlifov uzun illər Azərbaycanda həbs koloniyalarında saxlanılıb. 2000-ci ildə “qanuni oğru” adını alıb. Həm də qiyabi: həmin müddətdə həbsdə olduğundan  onun tacqoyma mərasimi iki xaç atasının: Raul  Kiriya (Raul Rustavski) və Ceyran Aslanov (Ceyran Rustavskidən) tərəfindən təşkil edilib. 2017-ci ildə növbəti 12 illik həbs müddətindən sonra Azərbaycan həbsxanasından azadlığa çıxıb və Türkiyəyə köçüb, oradan öz kriminal imperiyasına rəhbərlik edib.

2019-cu il  noyabrın 1-də bildirilmişdi ki, rusiyalı müstəntiqlər xaricdə gizlənən, Lolu Quli kimi tanınan azərbaycanlı kriminal avtoritet Nadir Səlifova qarşı cinayətkar iyerarxiyada ali mövqe tutması barədə cinayət işi açıblar.-0-