Ceyhun Cəfərov. Açiq mənbələrdən foto.
Bakı/20.08.20/Turan: Bu gün Bakının Binəqədi Rayon Məhkəməsi Kürdəmir Rayon İcra Hakimiyyətinin başçısı, ötən gün saxlanılmış Ceyhun Cəfərovun barəsində 4 ay müddətinə həbs qətimkan tədbiri seçib. Bu barədə avqustun 20-də günün ikinci yarısında Baş Prokurorluğun mətbuat xidməti məlumat verib.
C.Cəfərov Cinayət Məcəlləsinin 4 maddəsilə ittiham olunur: 308.2-ci (vəzifə səlahiyyətlərindən sui-istifadə), 311.3.1-ci (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma), 311.3.2-ci (rüşvət alma – təkrar törədildikdə) və 311.3.3-ci (rüşvət alma - külli miqdarda törədildikdə).
Bu maddələr üzrə onu 12 ilədək azadlıqdan məhrum olunma təhlükəsi gözləyir.
C.Cəfərov səhiyyə müəssisələrindən 137 min manat, kommunal xidmətlər kombinatından 58 min manat, təhsil işçilərindən 120 min manat, biyan istehsalı müəssisəsindən 71 min manat tələb etməkdə və rüşvət almaqda təqsirli bilinir. – 06B-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz