Prokuror Ermənistanın xeyrinə casusluqda ittiham olunan şəxsə 19 il müddətinə azadlıqdan məhrumetmə cəzası istəyib

Bakı/19.10.23/Turan: Ağır Cinayətlər Məhkəməsində Ermənistanın xeyrinə casusluqda ittiham olunan Azərbaycan vətəndaşı Aydın Zəkiyevin (1970) işi üzrə proses davam edir.

Cümə axşamı iclasda çıxış edən dövlət ittihamçısı məhkəmədən Zəkiyevin 19 il azadlıqdan mərhum edilməsini istəyib. Növbəti iclas oktyabrın 26-da keçiriləcək.

İstintaq materiallarına əsasən, Zəkiyev Ermənistan kəşfiyyatı tərəfindən cəlb edilib və digər şəxsləri əməkdaşlığa cəlb etmək tapşırığı alıb, sonra isə saxlanılıb.

Buna qədər Zəkiyev Ermənistan xüsusi xidmətlərinin tapşırıqlarını yerinə yetirərək, üçüncü ölkədəki vasitəçilər vasitəsilə Azərbaycan SQ-nin şəxsi heyəti haqqında məlumat ötürüb. O, həmçinin Ermənistan xüsusi xidmətlərinin həqiqəti əks etdirməyən və Azərbaycanda etnik zəmində münaqişə yaradılmasına hesablanmış məlumatı yaymasına kömək edib.

Zəkiyevə qarşı Azərbaycan CM-in 274 (dövlətə xəyanət), 281.3 (dövlət əleyhinə yönələn açıq çağırışlar etmək) və bir sıra digər maddələri ilə ittiham irəli sürülüb.

Daha əvvəl dərc edilmiş məlumatlara əsasən, Zəkiyev 2021-ci ilin oktyabrında həbs olunub. O, "Odnoklassniki" sosial şəbəkəsi vasitəsilə Ermənistan xüsusi xidmətlərinin nümayəndələri ilə tanış olub. O, şərhləri ilə diqqət çəkib və üçüncü ölkəyə dəvət olunub, burada da cəlb olunub. Onun qarşısında qoyulan vəzifələrdən biri Azərbaycanda milli azlıqlar arasında münasibətləri gərginləşdirmək məqsədilə yalan məlumat yaymaq olub. 02D