Prokuror İlqar Məmmədovun 8 il müddətinə azadlıqdan məhrum olunmasını istəyib

Bu gün İsmayıllı hadisələri üzrə prosesdə dövlət ittihamçısı yekun sözlə çıxış edib. O18 müttəhimin real müddətə cəzalandırılmasını təklif edib. 

Belə ki, prokuror Fuad Musayev REAL hərəkatının lideri İlqar Məmmədovun 8 il, Müsavat Partiyasının sədr müavini Tofiq Yaqublunun isə 7 il azadlıqdan məhrum edilməsini istəyib.

Prokuror digər 16 nəfər İsmayıllı sakininin 4 ildən 9 ilədək azadlıqdan məhrum edilməsini istəyib.

Bütün müttəhimlər CM-in 220.1  (kütləvi iğtişaşların təşkil) və 315.2-ci maddə (polis əməkdaşlarına qarşı zorakılıq) ilə ittiham olunur. 

Hökmün açıqlanması zamanı hakim buna etiraz edən Müsavat Partiyasının lideri İsa Qəmbəri, keçmiş deputat Pənah Hüseyni zaldan çıxarıb.

Zal prokurorun çıxışını narazılıq və lənətlə qarşılayıb.

İclas günün ikinci yarısında davam edəcək.

Qeyd edək ki, iclasın əvvəlində ismayıllıların dövlət başçısına müraciətini oxuyub.

Nüfuzlu beynəlxalq təşkilatlar dəfələrlə rəsmi Bakıdan İlqar Məmmədovun və Tofiq Yaqublunun azadlığa buraxılmasını tələb ediblər.

2013-cü il yanvarın 23-24-də İsmayıllıda kütləvi iğtişaşlar baş verib. Buna səbəb icra başçısına yaxın adamların  kobud davranısıdır. Bu, yerli sakinlərin qəzəbinə səbəb olub, onlar “Çıraq” otelini yandırıblar. Sonra şəhərdə polislə rayon rəhbərliyinin istefasını tələb edən sakinlər arasında qarşdurma yaranıb.1606D-