Açiq mənbələrdən foto.
Bakı/28.07.21/Turan: Çərşənbə günü Bakının Yasamal Rayon Məhkəməsində Lüdvik Mkrtıçyan və Alyoşa Xosrovyanın işi üzrə proses davam edib. Onlar Birinci Qarabağ Müharibəsində azərbaycanlı əsgərlərə işgəncələr verməkdə və digər ağır cinayətlər törətməkdə ittiham olunurlar.
Şahidlərin çıxışlarının sonunda bugünkü iclasda prokuror çıxış edərək hər iki müttəhimin 20 il azadlıqdan məhrum edilməsini xahiş edib. Onlar 10 il həbsxanada, 10 il isə ciddi rejimli koloniyada cəza çəkəcəklər.
Xatırladaq ki, Mkrtçyan 20 oktyabr 2020-ci ildə Füzuli rayonunun Malikcanlı kəndi ərazisində saxlanılıb.
Xosrovyan 3 oktyabr 2020-ci ildə Azərbaycan Silahlı Qüvvələrinin nəzarət etdiyi ərazidə saxlanılıb. -02D-
Siyasət
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacızadə X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
-
Azərbaycanın Xüsusi Rabitə və İnformasiya Təhlükəsizliyi Dövlət Xidməti 2024-cü ilin ilk 10 ayında kibertəhdidlərlə mübarizə sahəsində əhəmiyyətli irəliləyiş əldə etdiyini və milyonlarla zərərli keçid və elektron sənədin aşkar edilərək bloklandığını bildirib.
-
22 noyabrda dövlət başçısı İlham Əliyev İsrailin Nəqliyyat və Yol Hərəkəti Təhlükəsizliyi naziri Miri Regevi qəbul edib. Miri Regev İlham Əliyevə İsrail Prezidenti İsxak Hersoqun salamlarını çatdırıb.
Rəy yaz