Prokurorluğun SMDTM-də yoxlama aparması nə ilə bağlıdır?

Baş Prokurorluğun Ağır Cinayətlər üzrə İstintaq İdarəsi Seçkilərin Monitorinqi və Demokratiyanın Tədrisi Mərkəzində (SMDTM) vergi yoxlamasına başlayıb. SMDTM-in rəhbəri Anar Məmmədli Turan-ın müxbiri ilə söhbətində məlumatı təsdiqləyib.

Prokurorluq nümayəndələri QHT-nin maliyyə sənədləşməsi ilə maraqlanırlar.

A.Məmmədli yoxlamanı SMDTM-in həyata keçirdiyi layihələrlə əlaqələndirir.

A.Məmmədli istintaq sirri ilə əlaqədar ətraflı şərh verməkdən çəkinib.

SMDTM seçkilər üzrə ixtisaslaşan aparıcı müstəqil KİV-dən biridir.

Qeyd edək ki, SMDTM və onun sələfi olan Seçkiləri Monitorinq Mərkəzi 2011-ci ildən Azərbaycanda seçkilərin monitorinqini keçiriblər. SMDTM Avropa monitorinq təşkilatları şəbəkəsinə (ENEMO) daxildir  və demokratik seçkilər üzrə Avropa platformasının (EPDE) üzvüdür. Qurum Rusiya, Avropa İttifaqı və “Şərq tərəfdaşlığı” ölkələrindən 12 QHT-ni birləşdirir. 

SMDTM müşahidəçiləri  oktyabrın 9-da 120 dairəni əhatə edən 15 faiz seçki məntəqəsində prezident seçkilərini müşahidə ediblər və çoxsaylı qanun pozuntusu aşkar ediblər.

Qəribədir ki, vergi yoxlamasını Vergilər Nazirliyi yox, prokurorluq aparır ki, bu da müstəqil və nüfuzlu QHT-nin işinin yoxlanmasında siyasi çalarların olması ilə bağlı şübhə yaradır.

Bundan əvvəl bu ilin yazında prokurorluq Amerikanın donor təşkilatlarının dəstəyi ilə həyata keçirilən maarifçi layihənin - Azad Fikir Universitetinin ofisində yoxlama aparıb və ofisi möhürləyib. 

Bundan əlavə, Azərbaycan hakimiyyətinin təzyiqləri altında faktiki olaraq ABŞ Milli Demokratiya İnstitutunun fəaliyyəti dayandırılıb. Belə ki, bu təşkilatın Bakı ofisinin rəhbərinin bank əməliyyatları ilə bağlı hökumətin nəzarətində olan mətbuata məlumat sızdırılmışdı.

Qeyd edək  ki, SMDTM-in 9 oktyabr seçkilərinin monitorinqi layihəsi bir sıra beynəlxalq donorlar, o cümlədən USAİD tərəfindən dəstəklənmişdi. –06D--