![Putin Krımın qəsb edilməsinin səbəbini izah edib](https://turan.az/resized/media/2014/main/031800073006-750-500-resize.webp)
Putin Krımın qəsb edilməsinin səbəbini izah edib
Bu gün Rusiya prezidenti Kremldə Federal Yığıncağa müraciətlə çıxış edib, Krımla bağlı öz fikirlərini ifadə edib. O, Moskvanın addımlarını Krımın tarixi rus torpaqları olması, Sevastopolda NATO donanmasının yerləşməsini istəməməsi ilə əsaslandırıb.
“Etdiklərimizi etməsəydik, elə də olacaqdı”, deyə Putin bildirib. O, Ukrayna siyasi elitasını bu ölkədəki milyonlarla rusun maraqlarına məhəl qoymamaqda və krımlıların hüquqlarını pozmaqda ittiham edib. Lakin o, bunun məhz nədə özünü göstərdiyini izah etməyib, yalnız Ukraynanın bir sıra vilayətlərində rus dilinin rolunun azalmasından narazılığını bildirib.
O, Krım tatarlarının, həmçinin ukraynalıların hüquqlarına zəmanət veriləcəyini vəd edib.
Qərbin tənqidinə toxunan Putin ABŞ və NATO-nu Serbiyanın ərazi bütövlüyünü pozmaqda, Əfqanıstan, İraq, Liviya və digər ölkələrin daxili işlərinə qarışmaqda ittiham edib.
“Sizə olarsa, bizə niyə olmasın?”, deyə o bildirib.
Putinin çıxışından belə çıxır ki, Qərb vaxtilə belə addımlar atmasa, Moskva da bu cür hərəkət etməyəcəkdi.
Daha sonra o Ukrayna ərazisinə müdaxilə olmayacağını vəd edib, ukraynalıları çox sevdiyini və hörmət etdiyini, rusların onlarla dinc şəkildə və sülh şəraitində yaşayacağını bildirib. O, həmçinin bildirib ki, rusların mütləq əksəriyyəti onu dəstəkləyir.
Krımın birləşdirilməsinə hüquqi qiymət verən Putin dəfələrlə xalqların öz müqəddəratını həll etmək hüquqlarını vurğulayıb, bu zaman ərazi bütövlüyünü anmayıb.
Rusiya prezidentinin çıxışından onun fikirlərini nəzərə almayan Qərbdən və rus əhalinin xətrinə dəyən və Avropa İttifaqına və NATO-ya can atan Ukrayna hakimiyyətindən incikliyi açıq-aşkar hiss olunurdu.
Faktiki olaraq, Rusiya prezidenti təsdiq edib ki, Kremlin Krımın qəsbi üzrə hərəkətləri Ukraynanın NATO və Avropa İttifaqı ilə yaxınlaşmasına görə intiqamdır. -02В-
-
- Foto sessiyalar
- 18 Mart 2014 17:20
-
- Siyasət
- 18 Mart 2014 18:17
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz