Açiq mənbələrdən foto.
Putinlə əlaqəsi olan hər kəs sanksiyalara məruz qalacaq - ABŞ Dövlət Departamenti
Vaşinqton/14.07.22/Turan: Çərşənbə günü Dövlət Departamentinin yüksək vəzifəli məmurları ABŞ-ın və müttəfiqlərinin Ukraynaya qarşı müharibə ilə əlaqədar Rusiyaya tətbiq etdiyi sanksiyaları şərh edib. Onların sözlərindən məlum olub ki, "Putin və Rusiya rəhbərliyi ilə əlaqəsi olan hər kəs sanksiyalara məruz qalacaq", xəbəri Turan-ın ABŞ-dakı müxbiri verib.
Vaşinqton Putinin əlaltılarını və müharibəni maliyyələşdirən oliqarxları hədəfə alıb. Bunu üç yüksək vəzifəli məmur - dövlət katibinin Avropa və Avrasiya işləri üzrə köməkçisinin müavini Molli Montqomeri, iqtisadi və işgüzar məsələlər üzrə köməkçi Erik Vudhaus və beynəlxalq təhlükəsizlik üzrə köməkçi Qonsalo Suares bu barədə Vaşinqtonda keçirilən brifinqdə bildiriblər.
"Rusiyanın əməlləri ona baha başa gəlməsə, o, potensial təcavüzkarlara əraziləri işğal edə biləcəkləri və digər ölkələri özlərinə tabe edə biləcəkləri ilə bağlı siqnal verəcək", deyə Montqomeri bildirib.
Turan-ın Moskvanın Rusiyanın sanksiyalardan yayınmasına kömək etmələri üçün Cənubi Qafqaz ölkələrinə təzyiq göstərə bilməsi ilə bağlı sualına cavabda o deyib ki, ABŞ "sanksiyalardan yayınma faktlarına çox ciddi yanaşır".
Avropadan fərqli olaraq, ABŞ-ın Putinin sevgilisi olduğu təxmin olunan Alina Kabayevaya qarşı sanksiya tətbiq etməməsinin səbəbi haqqında suala cavabda Erik Vudhaus deyib ki, zamanla bu boşluqlar aradan qaldırılacaq.
Çıxış edənlər qeyd ediblər ki, Vaşinqton, onun müttəfiqləri və tərəfdaşları Rusiyaya təcavüzünə görə yüksək qiymət ödətmək fikrində "yekdildirlər". 0
-
- Cəmiyyət
- 14 İyul 2022 12:19
Siyasət
-
Ötən gün Bakıda hakimiyyət və 25 siyasi partiya nümayəndələrinin görüşü olub. Görüş “konstruktiv əməkdaşlığın qurulması və inkişaf etdirilməsi” məqsədilə keçirilib.
-
Bakı Ağır Cinayətlər Məhkəməsində fəal İlhamiz Quliyevin işi üzrə prosesdə ittiham aktı elan edilib. Fəal narkotik maddələrin qanunsuz dövriyyəsi ittihamını rədd edib və cinayət işinin saxtalaşdırıldığını bildirib.
-
Son bir neçə həftə ərzində Azərbaycan da daxil olmaqla, bütün dünyada mətbuat azadlığına vurulan zərbələr jurnalistikanı qorumaq tələbilə Bayden administrasiyasına təzyiqlərə səbəb olub, Turan-ın Vaşinqtondakı müxbiri bildirib.
-
Mayın 16-da Cenevrədə parlament sədrlərinin VI Ümumdünya Konfransının Təşkilat Komitəsinin 1-ci iclası çərçivəsində Azərbaycan və Ermənistan parlamentlərinin sədrləri Sahibə Qafarova və Alen Simonyanın ikinci görüşü keçirilib.
Rəy yaz