Qarabağ erməniləri Dilqəm Əsgərov ilə Şahbaz Quliyevin dəyişdirilməsinin mümkünsüz olduğunu bildirirlər
Bakı/19.09.19/Turan: Qarabağ separatçılarının lideri David Babayan azərbaycanlılar Dilqəm Əsgərov ilə Şahbaz Quliyevin Azərbaycanda mühakimə olunmuş erməni hərbçilər Karen Kazaryan və Araik Kazaryan ilə dəyişdirilməsinin mümkün olmadığını bildirib.
"Əsgərov və Quliyevə gəlincə, həmin şəxslər ağır cinayətlər törədiblər, o cümlədən həddi-büluğa çatmayan şəxsi qətlə yetiriblər. Onlar beynəlxalq müşahidəçilərin iştirakı ilə açıq məhkəmə prosesində mühakimə olunublar", - D.Babayan deyib.
Xatırladaq ki, sentyabrın 18-də Azərbaycan Dövlət Komissiyası bildirib ki, Bakı əsirlərin və girovların "hamının hamıya" prnsipi ilə dəyişdirilməsinə və gələcəkdə əsirlərin və girovların qaytarılmasına, həmçinin həlak olanların cəsədlərinin beynəlxalq təşkilatların vasitəçiliyilə üç gün ərzində qaytarılmasına hazırdır.
* Dilqəm Əsgərov və Şahbaz Quliyev 2014-cü ildə Azərbaycanın Kəlbəcər rayonu ərazisində (1993-cü ilin aprelində ermənilər tərəfindən işğal edilib) ermənilər tərəfindən əsir götürülüb. 02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz