![Qarabağ separatçıları Ağdam vasitəsilə Rusiyanın humanitar yardımını qəbul etməyə razılaşıblar](https://turan.az/resized/media/2023/main/090900066426-750-500-resize.webp)
Qarabağ separatçıları Ağdam vasitəsilə Rusiyanın humanitar yardımını qəbul etməyə razılaşıblar
Bakı/09.09.23/Turan: Qarabağ separatçıları Rusiyanın Qırmızı Xaç Cəmiyyətinin göndərdiyi humanitar yardımı qəbul etməyə və onun Ağdam vasitəsilə idxalına icazə verməyə hazır olduqlarını bəyan ediblər. Bu barədə Qarabağ “hökuməti”nin sentyabrın 9-da axşam yaydığı məlumatda deyilir.
Eyni mənbənin sözlərinə görə, “Razılaşma əldə olunub ki, eyni zamanda Laçın dəhlizi ilə humanitar yüklərin daşınması Rusiya sülhməramlıları və Beynəlxalq Qızıl Xaç Komitəsinin xətti ilə bərpa olunacaq”.
Ermənilər konkret kiminlə belə bir razılaşmanın əldə olunduğunu açıqlamayıblar. Bunun birdəfəlik, yoxsa uzunmüddətli müqavilə olduğu da bəlli deyil.
Bakı əvvəllər bəyan edib ki, Ağdam və Laçın vasitəsilə yollar eyni vaxtda açılmalı və Laçından keçən yüklər Azərbaycan gömrük prosedurlarından keçməlidir.
Qarabağın yeni “prezidenti” seçiləndən dərhal sonra açıq bildirdi ki, Laçın yolundan əlavə “başqa yollardan da istifadə oluna bilər”. O, həmçinin bildirib ki, “Azərbaycanla danışıqlar aparılmalıdır. Onların formatı çoxtərəfli və ya üçüncü tərəfin zəmanəti ilə ikitərəfli ola bilər."
Eyni zamanda o, Qarabağın status almalı olduğunu da bəyan edib.
Rəsmi Bakı hələ ki, Ağdamdan keçən yolun açılması və Laçın vasitəsilə yüklərin daşınmasının bərpası barədə açıqlama verməyib. -02B-
-
- Foto sessiyalar
- 9 Sentyabr 2023 21:08
-
- Siyasət
- 9 Sentyabr 2023 23:51
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz