Bakı/02.11.19/Turan: Noyabrın 1-də ABŞ-ın Azərbaycandakı səfiri Li Litsenberqer XİN-ə çağırılıb. Dağlıq Qarabağ separatçılarının nümayəndəsi Masis Mailyanın Vaşinqtona səfərilə bağlı ona etiraz notası təqdim edilib. Bu barədə XİN mətbuat xidməti məlumat yayıb.
Notada deyilir ki, ABŞ hakimiyyətinin separatçılara viza verməsi Qarabağ münaqişəsinin nizamlanması prosesinə zərbə vurur və belə səfərlər ATƏT-in Minsk Qrupunun həmsədri kimi ABŞ-ın öhdəliklərinə, həmçinin beynəlxalq hüquqa ziddir.
Amerika tərəfinin diqqətinə çatdırılıb ki, ABŞ münaqişənin həllinə mənfi təsir edəcək istənilən addımdan çəkinməlidir.
Öz növbəsində səfir Litsenberqer deyib ki, Konqresin bəzi üzvləri Vaşinqtonda Dağlıq Qarabağdan olan qonaqları qəbul ediblər. O qeyd edib ki, ABŞ Dağlıq Qarabağdakı rejimi tanımır, XİN-in məlumatında deyilir.-02D-
Siyasət
-
Sentyabrın 9-da Bakıda Türk Dövlətləri Təşkilatının (TDT) dəstəyi ilə Türk Akademiyasının Atatürk Mədəniyyət, Dil və Tarix Ali Şurası yanında Türk Dilçilik Cəmiyyəti ilə birgə təşkil etdiyi Türk Dünyasının Ortaq Əlifba Komissiyasının üçüncü iclası açılıb.
-
Bu gün Abzas Media-nın işi üzrə həbsdə olan araşdırmaçı jurnalist Hafiz Babalıya ibtidai istintaqın yekunlaşdığı açıqlanıb. Bu barədə jurnalistin yaxınları məlumat verib.
-
İstanbul Universitetinin doktorantı, iqtisadçı Fazil Qasımov Bakı İstintaq Təcridxanasında qanunsuz həbsinə etiraz əlaməti olaraq 88 gündür aclıq edir. Bu barədə Penitensiar Xidmətin Müalicə Müəssisəsində ona baş çəkən qardaşı Nazim Qasımov bildirib.
-
Azərbaycan Səhiyyə Nazirliyi əhalini qrip əleyhinə vaksinasiyaya çağırıb. Bu barədə Nazirliyin qrip əleyhinə vaksinasiya ilə bağlı əhaliyə müraciətində bildirilib.
Rəy yaz