![Qarabağda Azərbaycana casusluq etdiyinə görə daha bir hərbçi həbs edilib](https://turan.az/resized/750/500/resize/media/2022/main/061100046734.webp)
Qarabağda Azərbaycana casusluq etdiyinə görə daha bir hərbçi həbs edilib
Bakı/11.06.22/Turan: Qarabağda Azərbaycana casusluq edən hərbçi həbs edilib.
Ermənistan KİV-in məlumatına görə, adı açıqlanmayan hərbi qulluqçu 2021-ci ilin yanvarında sosial şəbəkədə xarici xüsusi xidmət orqanları tərəfindən erməni qızın adına açılmış akkauntla əlaqə yaradıb.
Yazışmalar zamanı hərbçi 150 dollar müqabilində hərbi xarakterli məlumatları ötürməyə razılaşıb. Daha sonra o, Qarabağdakı hərbi hissələrdən birinin yeri, döyüş mövqelərinin koordinatları, qoşun və texnikanın sayı barədə məlumatları ötürüb.
Xarici kəşfiyyatla əməkdaşlıq 2022-ci ilin mayına qədər davam edib. Bu müddətdə zirehli texnikanın, nəqliyyat vasitələrinin sayı, hərbçinin xidmət etdiyi hərbi hissənin binasının yeri, eləcə də erməni qüvvələrinin və Rusiya sülhməramlılarının digər hərbi hissələri haqqında məlumatlar ötürülüb. Bu müddətdə hərbçi 1500 dollara yaxın vəsait alıb.
Məlumatda hərbçinin məhz hansı kəşfiyyata casusluq edildiyi göstərilmir. Lakin söhbətin Azərbaycan kəşfiyyatından getdiyini təxmin etmək çətin deyil.
Qeyd edək ki, İkinci Qarabağ müharibəsi və ondan sonrakı dövrdə Ermənistanda və Qarabağda Azərbaycana casusluqda ittiham olunan onlarla hərbçi və mülki şəxs həbs edilib. -02D-
-
- Siyasət
- 11 İyun 2022 11:31
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz