![Qəbələ RLS-də əmlakın bölgüsü yekunlaşmaq üzrədir](https://turan.az/resized/750/500/resize/media/2013/main/021500028670.jpg)
Qəbələ RLS-də əmlakın bölgüsü yekunlaşmaq üzrədir
Yaxın günlərdə Azərbaycan-Rusiya ikitərəfli komissiyası Qəbələ RLS-də siyahıyaalma prosesini yekunlaşdıracaq, bu barədə jurnalistlərə RF-nin Bakıdakı səfiri Vladimir Doroxin bildirib.
Bakıda fevralın 5-də keçirilən, iş prinsipi, qrafiki və metodları razılaşdırılan iclasdan sonra komissiya Qəbələdə işləri davam etdirir.
“Stansiya Azərbaycana məxsusdur və biz onu 2002-ci ildə aldığımız şəkildə qaytarmalıyıq. Lakin o vaxtdan RLS-də avadanlıqlar, avtomobillər, sanitar texnika, hospital yerləşdirilib və biz onları aparmaq hüququna malikik. İndi Rusiyanın nəyi apara biləcəyini, nəyin Azərbaycana qalacağını müəyyən etmək üçün işlər gedir”, deyə səfir bildirib.
Onun sözlərinə görə, işlər konstruktiv şəkildə gedir və yaxın günlərdə proses yekunlaşacaq və əmlakın plan üzrə aparılması başlayacaq. Zaman çərçivəsinə gəlincə, Doroxin prosesin “yəqin ki, bir neçə ay sürəcəyini” ehtimal edib. -06B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz