Ариф Гаджилы
Bakı/05.12.18/Turan: Çərşənbə günü Müsavat Partiyasının sədri Arif Hacılı Böyük Britaniya səfiri Kerol Krofts ilə görüşüb.
Müsavat Partiyasının mətbuat xidmətinin məlumatına görə, görüş zamanı partiyaya artan təzyiqlər, söz və ifadə azadlığına hücumlar, ölkədəki ictimai-siyasi vəziyyət, həmçinin partiya və Böyük Britaniya səfirliyi arasında əməkdaşlıq məsələləri müzakirə olunub.
Bu həftə A.Hacılı ABŞ səfirliyinin nümayəndəsi ilə də görüşüb.
Qeyd edək ki, son həftələr Müsavat Partiyası Gənclər Təşkilatının rəhbəri Əbülfəz Sadıqbəyli həbs edilib, partiyanın mətbuat xidmətinin rəhbəri, bastainfo.com saytının baş redaktoru Mustafa Hacıbəyliyə qarşı cinayət ittihamı irəli sürülüb.-06D--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz