![QHT nümayəndələrinin Prezident Administrasiyası qarşısında aksiyası](https://turan.az/resized/media/2013/main/122700063553-750-500-resize.webp)
QHT nümayəndələrinin Prezident Administrasiyası qarşısında aksiyası
Bu gün Azərbaycan vətəndaş cəmiyyətinin onlarla fəalı dekabrın 17-də Parlamentin QHT-lər haqqında qanunvericiliyə qəbul etdiyi düzəlişlərə etirazlarını bildirmək üçün Prezident Administrasiyası binasının qarşısına gəlib. Onlar hesab edirlər ki, düzəlişlər məhdudlaşdırıcı xarakter daşıyır və QHT-lərin fəaliyyət şərtlərini pisləşdirir.
Etirazçıların 5 nümayəndəsi Prezident Administrasiyasında qəbul edilib və vətəndaş cəmiyyətinin etiraz bəyanatını təqdim edib.
Onlar ictimai-siyasi şöbənin müdir müavini Tahir Süleymanovla bir saatdan çox söhbət ediblər, bu barədə Turan-a görüşün iştirakçısı, İqtisadi Araşdırmalar Mərkəzinin rəhbəri Qubad İbadoğlu bildirib.
Onun sözlərinə görə, Süleymanov düzəliş təşəbbüsünün Prezident Administrasiyası tərəfindən verilmədiyini bidirib.
Bununla belə, o qeyd edib ki, sənəd artıq imzalanması üçün prezidentə təqdim edilib.
Lakin Süleymanovun sözlərinə görə, administrasiyanın vətəndaş cəmiyyətinin narahatlığından xəbəri var və hazırda sənəd tədqiq edilir.
Süleymanov fəallara iki gün ərzində hüquqi rəylərini bildirməyi təklif edib.
“Biz öz rəyimizi təqdim edəcəyimizi bildirdik. Amma həmçinin bəyan etdik ki, vətəndaş cəmiyyətinin mövqeyi nəzərə alınmasa, etiraz hüququnu özümüzdə saxlayırıq”, deyə İbadoğlu bildirib.
Xatırladaq ki, dekabrın 17-də Milli Məclis “Hüquqi şəxslərin dövlət qeydiyyatı və dövlət reyestri haqqında”, “Qeyri-hökumət təşkilatları (ictimai birliklər və fondlar) haqqında”, “Qrantlar haqqında” qanunlara, habelə İnzibati Xətalar Məcəlləsinə 8 əlavə və 50-yə yaxın dəyişiklik edib. 7 əlavə cərimələrin ölçüsünün artırılması, bir əlavə isə QHT-lərin fəaliyyətinin bir il müddətinə dayandırılması ilə bağlıdır. Düzəlişlər QHT-ləri qəsdən yol verilməmiş səhvlərə görə məhkəmə təqibi riskinə məruz qoyur.
Əlavələrə əsasən, hüquqi şəxs üçün ayrı-ayrı hüquqpozmalara görə cərimələr maksimum 8 min manat, fiziki şəxslər üçün 3 min manat təşkil edir. -06/16C-
-
- İqtisadiyyat
- 27 Dekabr 2013 15:49
-
- Cəmiyyət
- 27 Dekabr 2013 17:01
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz