Bakı/18.04.22/Turan: Qırğızıstan prezidenti Sadır Japarov aprelin 19-20-də Azərbaycanda rəsmi səfərdə olacaq. Bu barədə bazar ertəsi Qırğızıstan prezidentinin mətbuat xidməti məlumat yayıb.
Səfər İlham Əliyevin dəvətilə baş tutacaq. Dövlət başçıları ikitərəfli və çoxtərəfli əməkdaşlığa dair aktual məsələləri, həmçinin gələcək inkişaf və qarşılıqlı fəaliyyətin qurulması perspektivlərini müzakirə edəcəklər.
“Bir sıra sənədlərin, əsasən strateji tərəfdaşlıq haqqında bəyannamənin, Dövlətlərarası Şuranın yaradılması haqda memorandumun, habelə dövlətlərin maraqlarına cavab verən hökumətlərarası və idarələrarası sazişlərin imzalanması planlaşdırılır”, - həmin mənbə bildirib.
Səfər Qırğızıstanla Azərbaycan arasında diplomatik münasibətlərin qurulmasının 30 illiyi, həmçinin dostluq və əməkdaşlıq haqqında müqavilənin imzalanmasının 25 illiyi ərəfəsində baş tutacaq. -02D-
Siyasət
-
Yanvarın 29-da keçirilən bələdiyyə seçkilərində altı seçki məntəqəsinin nəticələri ləğv edilib.
-
"Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", - fevralın 3-də Müsavat Partiyası Divanının (İdarə Heyəti) iclasında bildirilib.
-
Turan agentliyinin iqtisadiyyat şöbəsinin redaktoru Hafiz Babalanın Qafqazinfo.az İnternet- nəşrə qarşı iddiasına baxılması əsassız olaraq yubadılır. Babalı “Abzas Media” nəşrinin işi üzrə həbs edilib.
-
Dövlət başçısının sərəncamı ilə Rüfət Əzizov Azərbaycan Dövlət Neft və Sənaye Universitetinin rektoru təyin edilib.
Rəy yaz