Açiq mənbələrdən foto.
Qırğızıstanda türk dövlətlərinin xüsusi xidmət rəhbərlərinin görüşü keçirilib
Bakı/28.07.22/Turan: İyulun 26-da Çolpon-Ata şəhərində türk dövlətləri xüsusi xidmət rəhbərlərinin növbəti görüşü keçirilib. Görüşdə Qırğızıstan, Azərbaycan, Qazaxıstan, Türkiyə və Özbəkistan xüsusi xidmətlərinin rəhbərləri iştirak ediblər. Müşahidəçi qismində Rusiya və Macarıstan nümayəndə heyətləri iştirak edib.
Görüşdə Yaxın Şərqdə və Əfqanıstanda terrorun fəal olduğu zonalarda yaranan vəziyyət kontekstində türk dövlətlərində təhlükəsizliyin və sabitliyin təmin edilməsi sahəsində qarşılıqlı əməkdaşlıq məsələləri nəzərdən keçirilib.
Qırğızıstan prezidenti türk dövlətlərinin xüsusi xidmət rəhbərləri ilə görüşüb. O qeyd edib ki, bu gün Yaxın Şərqdə və Əfqanıstanda terrorçuların fəallığının artması xüsusi diqqət tələb edir. Bu fəallıq bəzi dövlətlərin bütövlüyünü təhdid edən miqyaslara çatıb və həmin regionların hüdudlarından xeyli kənara yayılmaq təhlükəsi yaradır, deyə Qırğızıstan prezidentinin mətbuat xidmətinin məlumatında prezidentdən sitat gətirilir.
İştirakçılar Əfqanıstandan və Suriyada silahlı münaqişə zonasından qaynaqlanan terror təhdidlərinə reaksiya və onların lokallaşdırılması üzrə qarşılıqlı fəaliyyət mexanizmlərini razılaşdırmaq barədə razılığa gəliblər.
* Türk dövlətləri xüsusi xidmətlərinin konfransı 1998-ci ildə təsis edilib. 02D
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz