Qiyas İbrahimov və İlkin Rüstəmzadənin doğum günündə fləşmob keçirilib
Bakı/03.08.17/Turan: Avqustun 3-də Amnesty İnternational təşkilatının vicdan məhbusu kimi tanıdığı NİDA Vətəndaş Hərəkatının fəalları Qiyas İbrahimov və İlkin Rüstəmzadənin doğum günüdür.
Bir qrup fəal bu məhbusların doğum günü münasibətilə Qiyas İbrahimovun evinin qarşısında fləşmob keçirməklə onları təbrik edib.
Eyni zamanda hüquq müdafiəçisi Xədicə İsmayıl İlkin Rüstəmzadənin həbsxanadan ünvanladığı məktubunu Facebook səhifəsində yayıb.
Məktubu təqdim edirik:
"Bu gun artiq 5-ci dogum gunumdur ki, həbsxanada qeyd edirəm. Çətin deyil desəm saxtakarlıq etmiş olaram, amma dözulə biləndir. Dözüləsi mümkün olmayan unudulmaqdır. Buna gorə də unutmayan dostlara təşəkkür edirəm. Ən çox sevdiyim mahnının sözlərini onlar üçün yazıram:
Nə vaxt ki sən
Fırtınaya qarşi gedirsən
Başını uca tut
Və qaranlığa görə narahat olma
Fırtınanın sonunda
Qızıllı səma parlayacaq
Və quşların gözəl nəğməsi
Küləyə qarşı irəlilə
Yağışın içi ilə irəlilə
Qəlbində böyük inamla irəlilə
Baxmayaraq ki, sənin xəyalların
Tərk edilmiş və solgundur
Get get get
Sən heç vaxt tək getməyəcəksən".
NİDA Vətəndaş Hərəkatının üzvləri Qiyas İbrahimov və Bayram Məmmədov 2016-cı il mayın 10-da Heydər Əliyevin abidəsinin üzərində siyasi şüarlar yazdıqdan sonra həbs olunublar. Ancaq onları qanunsuz narkotik maddə dövriyyəsində ittiham edərək hər birini 10 il azadlıqdan məhrum ediblər.
İlkin Rüstəmzadə isə 2014-cü il mayın 6-da saxlanılıb. Bakı Ağır Cinayətlər Məhkəməsinin hökmü ilə 8 il azadlıqdan məhrum edilib.
O, Cinayət Məcəlləsinin 234.1 (qanunsuz olaraq narkotik vasitələri əldə etmə, saxlama və ya satma) və 228.1-ci (qanunsuz olaraq silah, partlayıcı maddələr və qurğular əldə etmə, saxlama, daşıma və gəzdirmə), 220. 1 (zorakılıqların, talanların, yanğınların törədilməsi, əmlakın məhv edilməsi ilə müşayiət olunan kütləvi iğtişaşları təşkil etmə və ya belə iğtişaşlarda iştirak etmə) maddələri ilə ittiham olunur.-03B-
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz