![Qubad İbadoğlunu xəstəxanaya yerləşdirməkdən imtina edirlər](https://turan.az/resized/news/2023/W2rMsn4Vdcj87j20smuSwTQh6v61f8B5f41hvqpJ-750-500-resize.webp)
Qubad İbadoğlunu xəstəxanaya yerləşdirməkdən imtina edirlər
Qubad İbadoğlunu xəstəxanaya yerləşdirməkdən imtina edirlər
Bakı/07.12.23/Turan: 140 günə yaxındır ki, İstintaq Təcridxanasında saxlanılan müxalifətyönlü siyasətçi, iqtisadçı- alim Qubad İbadoğlunun vəziyyəti pisləşməkdə davam edir. Geri dönüşü olmayan proseslər dərinləşir, Qubad İbadoğlunun qardaşı Qalib Bayramov Turan agentliyinə bildirib.
O, degenerativ disk xəstəliklərindən, skolioz, osteofolitdən əziyyət çəkir. Bel ağrısı səbəbilə çətinliklə və əsa ilə gəzir.
Ədliyyə Nazirliyinə dəfələrlə müraciət etməsinə baxmayaraq, həbsxana xəstəxanasına yerləşdirilmir.
İstintaq təcridxanasında İbadoğluya 10 seans elektroforez təyin edilib, lakin bunun heç bir təsiri olmayıb. Bel və sol ayaq ağrıları dözülməz hala gəlib.
"Ağrıkəsicilər ağrıları aradan qaldırmır və gecə iki saatdan çox yata bilmir", - siyasətçinin qardaşı deyib.
“Eyni zamanda şəkərli diabet ağırlaşıb. İbadoğlu həbs olunanadək insulindən istifadə etməyib. Gündə iki dəfə - 1 həb "Metformin" (750 mg), yarım h "Glimepride" (3 mg) qəbul edib. Bu dərmanları qəbul edən və aktiv həyat tərzi keçirən (gündə ən azı 10 km gəzinti) qardaşım azadlıqda olanda heç vaxt yüksək şəkərdən əziyyət çəkməyib. İstintaq Təcridxanasında insulin qəbul etdikdən sonra da şəkəri normallaşdırmaq olmur. Bu, ailəsini çox qorxudur, çünki aortanın anevrizaması xəstəliyində yüksək ürək döyüntüsü aortanın genişlənməsi baxımından böyük risk deməkdir”, - Bayramov bildirib.
Müstəqil həkimlər vəziyyəti kritik olaraq qiymətləndirirlər.
* İyulun 24-də Bakının Nərimanov Rayon Məhkəməsi Qubad İbadoğlunu saxta pul hazırlamaqda ittiham edərək 3 ay 26 gün həbs edib. Azərbaycan Daxili İşlər Nazirliyindən bildiriblər ki, İbadoğlu 2016-cı ildə Türkiyədə dövlət çevrilişinə cəhddə ittiham olunan Fətullah Gülənin tərəfdarları ilə əlbirdir.
Avqustun 25-də ona qarşı "dini ekstremizmyönlü materialların hazırlanması, saxlanması və ya yayılması" barədə daha bir ittiham irəli sürülüb.
Noyabrın 16-da məhkəmə Qubad İbadoğlunun həbsini daha üç ay uzadıb.
Qubad İbadoğlu ittihamları absurd hesab edərək rədd edir. Bir çox beynəlxalq təşkilatlar və rəsmi şəxslər rəsmi Bakını siyasətçini dərhal azad etməyə çağırıblar. Avropa Parlamenti Qubad İbadoğlunun təqibinə görə Azərbaycan məmurlarına sanksiyalar tətbiq etməyə çağırıb.—16B-
Siyasət
-
İyulun 17-də “Azel” TV saytının rəhbəri Əfqan Sadıqovun Tbilisidən Ankaraya getməsinə icazə verilməyib. Onu sərhəd-pasport nəzarətində saxlayaraq geri qaytarıblar. Bu barədə Turan agentliyinə Sadıqov özü bildirib.
-
Azərbaycan tərəfi Avropa siyasi birliyinin sammiti çərçivəsində Londonda Paşinyan-Əliyev görüşü ilə bağlı erməni tərəfinin təklifini qəbul etməyib. Bu barədə iyulun 18-də Ermənistan Xarici İşlər Nazirliyinin mətbuat katibi Ani Bədəlyan bildirib.
-
İyulun 18-də Avropa siyasi icmasının Birləşmiş Krallığın Vudstok şəhərində keçirilən sammiti çərçivəsində Azərbaycan Respublikasının xarici işlər naziri Ceyhun Bayramov və Birləşmiş Krallığın xarici işlər, birlik və inkişaf məsələləri üzrə dövlət katibi Devid Lemmi arasında görüş keçirilib.
-
Azərbaycan tərəfi bildirir ki, Londonda Ermənistanın baş naziri Nikol Paşinyan prezident İlham Əliyevlə görüşdən imtina edib. Bu barədə Azərbaycan prezidentinin köməkçisi Hikmət Hacıyev yerli KİV-ə bildirib. Onun sözlərinə görə, Britaniya ikitərəfli görüş keçirməyi təklif edib.
Rəy yaz