Qusarda polisə atəş açanlardan ikisi qətlə yetirilib
Azərbaycan hüquq-mühafizə orqanlarının Qusar rayonunda həyata keçirdiyi xüsusi əməliyyat tədbiri nəticəsində oktyabrın 16-da polis əməkdaşlarına hücum edən iki silahlı şəxs zərərsizləşdirilib.
Xatırladaq ki, oktyabrın 16-da saat 08.00 radələrində Qusar şəhərində Edik Rüstəmov valyuta mübadiləsi məntəqəsində işləyən Sadir Mustafayevin başına küt əşya ilə zərbə vuraraq, onun əlində olan 6000 manatı götürüb.
Polis Edik Rüstəmovu saxlayıb və oğurlanmış pul vəsaitlərini müsadirə etmək üçün onu şəhər ətrafında meşə zolağına aparıb. Bu zaman E.Rüstəmovla cinayətdə əlbir olan Qusar şəhər sakinləri Faiq Şahmuradov və Ramiz Rəhimxanov polislərə hücum edib. Odlu silahdan açılan atəş nəticəsində polis mayoru Qalib Quliyev həlak olub, daha 3 poli əməkdaşı yaralanıb.
Şahmuradov və Rəhimxanov meşədə gizləniblər və onların tutulması üçün əməliyyat-axtarış tədbirləri həyata keçirilib.
DİN, MTN və Baş Prokurorluğun birgə məlumatında deyilir ki, xüsusi əməliyyat zamanı sözügedən şəxslər avtomat, tapança və əl qumbaralarından istifadə etməklə, amansız müqavimət göstəriblər. Xüsusi təyinatlılar Şahmuradov və Rəhimxanovu məhv etməyə müvəffəq olub.
Əməliyyatçılar döyüşçülərin qazma-sığınacağında 1 avtomat, 2 tapança, çox sayda qumbara, süngü-bıçaq və digər döyüş sursatları, habelə çox miqdarda ərzaq məhsulu aşkar ediblər.
Sözügedən faktlarla bağlı zəruri istintaq hərəkətləri və əməliyyat-axtarış tədbirləri davam etdirilir.
Qeyri-rəsmi məlumatlara görə, silahlı şəxslər radikal dini baxışlara malik idilər. -06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz