Ramiz Mehdiyev
Bakı/24.08.20/Turan: Avqustun 24-də səhər saatlarında Azərbaycan KİV-ləri qalmaqallı Azərbaycan Milli Elmlər Akademiyasının prezidenti Ramiz Mehdiyevin nəvəsi Fidan Əliyevanın toyundan sonra məzuniyyətə çıxması haqqında məlumat yayıblar.
Mehdiyevin nəvəsinin toyu, karantində tədbir keçirmək imkanından məhrum edilmiş cəmiyyətin qəzəbinə səbəb olmuşdu.
Məzuniyyət haqqında məlumatdan sonra yeni bir məlumat yayıldı: Ramiz Mehdiyev işləməyə davam edir, o, öz iş yerindədir.
Axşama yaxın Milli Elmlər Akademiyasının (AMEA) prezidentinin nə ilə məşğul olduğu məlum oldu. Avqustun 24-də saat 18 radələrində Akademiyanın saytında Mehdiyevin geniş bəyanatı yayıldı. Bəyanatda onun təqsiri barədə bir söz belə yoxdur.
Dəfələrlə bütün vətəndaşların qanun qarşısında bərabərliyi prinsipinə sadiqliyini təkrar edən Mehdiyev ailəsinin qanunu pozmasının səbəbini izah etmir. Bu zaman o, avqustun 18-də Novxanıda Mehdiyevin bağ evində keçirilən toy mərasiminin qonaqlarının və təşkilatçılarının cərimə olunmasının qanuna uyğun olduğunu bildirir.
Üzrxahlıq etmək və təqsirini boynuna almaq yerinə, AMEA prezidenti həmin gün cəmiyyətdə tanınan başqa insanların da toy mərasimləri olduğunu, amma onların cəzalandırılmadığını qeyd edir.
Kürəkəninin məhkəməyə qolu qandallı şəkildə çıxarılması Mehdiyevin qəzəbinə səbəb olub, baxmayaraq ki, Mehdiyevin sözlərinə görə, ölkədə karantini pozan başqa heç kim hakim qarşısına qolları qandallı çıxarılmayıb.
"Qanun qarşısında bərabərlik” mövzusuna qayında AMEA prezidenti bir hədis danışır.
Daha sonra avqustun 20-dən etibarən sosial şəbəkələrdə və mətbuatda onu tənqid edənlərə - jurnalistlərə, deputatlara və siyasətçilərə xəbərdarlıq edir. Mehiyev onun şəxsiyyətini tənqid edən insanların heç birinin ideal olmadığını hesab edir.
Mehdiyevin yazısında qanunu pozmaqda və onu tənqid etməkdə ittiham etdiyi şəxslərin adlarının açıqlanmaması diqqət çəkir.
Mehdiyev öz bəyanatında Azərbaycan prezidenti İlham Əliyevə və birinci vitse-prezident Mehriban Əliyevaya məmur hörməti izhar etmir, bir halda ki, dövlət rəhbərlərinin xüsusi yaltaqlıq ifadələri ilə yad edilməsi Azərbaycan məmurlarının istənilən ictimai çıxışının mütləq şərtidir. -0-
Siyasət
-
Toplum TV-nin təsisçisi Ələsgər Məmmədli bu gün Xətai Rayon Məhkəməsində pis rəftara məruz qalıb. O, həbs müddətinin uzadılması ilə əlaqədar oraya aparılmışdı. İstintaq Təcridxanasına qaytarıldıqdan sonra qardaşı Nəsimi Məmmədliyə zəng edib və proses başlayana qədər onu qolları qandallı halda məhkəmə binasında bir otaqda saatlarla gözlətdiklərini bildirib.
-
Azərbaycan hökuməti Ukraynanın işğaldan azad edildikdən sonra bərpa olunan İrpen şəhərində 4 layihəni maliyyələşdirəcək. Bu barədə həmin şəhərin meri Oleksandr Markuşin oktyabrın 2-də Azərbaycan prezidentinin xarici siyasət məsələləri üzrə köməkçisi Hikmət Hacıyevlə görüşdən sonra facebook-da yazıb.
-
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
-
2-3 oktyabr tarixlərində Rusiyanın Xarici Kəşfiyyat Xidmətinin direktoru Sergey Narışkin Bakıya rəsmi səfərə gəlib. Səfər zamanı Azərbaycan prezidenti İlham Əliyev və Azərbaycanın Xarici Kəşfiyyat Xidmətinin və Dövlət Təhlükəsizliyi Xidmətinin rəhbərliyi ilə görüşlər keçirilib.
Rəy yaz