Reportyorların Azadlıq və Təhlükəsizlik İnstitutunun (RATİ) əməkdaşı Əbülfət Namazov avqustun 31-də jurnalist proqramında iştirak etmək üçün ABŞ-a gedərkən Bakı aeroportunda saxlanılıb. Sərhəd nəzarətini keçərkən ona bildirilib ki, ölkədən çıxışına qadağa qoyulub və o geri qayıtmalı olub. Bu barədə Turan-a RATİ-dən bildirilib.
Ötən həftə Ə.Namazov Baş Prokurorluqda yerli və xarici QHT-lərin işi üzrə şahid kimi dindirilib.
Lakin jurnalistə ölkədən çıxışına qadağa qoyulması barədə xəbərdarlıq edilməyib.
RATİ-də hesab edirlər ki, qanuna görə, şahid kimi keçən şəxsin ölkədən çıxışına qadağa qoyula bilməz. Şahidə təklif oluna bilər ki, xarici səfərləri barədə istintaq orqanlarını xəbərdar etsin.
Məsələ bundadır ki, Ə.Namazov Gürcüstan vətəndaşıdır və istintaq orqanı şahid qismində keçən xarici vətəndaşın hüququnu məhdudlaşdıra bilməz.
İyulda RATİ-nin hesabı dondurulub.
Avqustun 8-də qurumun ofisində axtarış aparılıb, avqustun 11-də ofis möhürlənib.
O vaxtdan RATİ əməkdaşları prokurorluğa dindirməyə çağırılır.
Avqustun 8-dən RATİ-nin rəhbəri Emin Hüseynovun taleyi məlum deyil.-0-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz