Açiq mənbələrdən foto.
ReAl partiyasının təsis qurultayı keçirilib
Bakı/05.08.20/Turan: Dünən REAL (Respublikaçı Alternativ Patiyası) partiyasının on-layn təsis qurultayı keçirilib.
Partiya siyasi şurasının üzvü Natiq Cəfərlinin Turan-a verdiyi məlumata görə, qurultaya 108 nümayəndə seçilib, onlardan 98-i forumda iştirak edib. 10 nümayəndə İnternet problemi ilə əlaqədar qurultayın işində iştirak edə bilməyib.
“Qurultayda əvvəl partiyanın təsis olunduğu elan edildi. Nizamnamə və proqram sənədləri, partiyanın atributları, loqosu, bayrağı və möhürü haqqında qərar verildi. Sonda isə altı nəfərdən ibarət Siyasi Komitə seçildi”, deyə Cəfərli bildirib.
Siyasi Komitəyə İlqar Məmmədov, Erkin Qədirli, Rəsul Cəfərov, Natiq Cəfərli, Zaur Qurbanlı və Mahmud Mahmudov seçiliblər.
Qurultay Siyasi Komitəyə partiya üzvlərindən və məşhur şəxslərdən komitənin tərkibinə yeni üzvlər qəbul etmək səlahiyyəti verib.
Cəfərli qeyd edib ki, partiya sədrini Siyasi Komitə bu həftə keçirilməsi nəzərdə tutulan ilk iclasında seçəcək.
Bundan başqa, beş nəfərdən ibarət Təftiş-Nəzarət Komissiyası seçilib. Onun tərkibi də hər üç ayda bir nümayəndələr arasından əlifba ardıcıllığı ilə yenilənəcək. -05D06-
-
- İqtisadiyyat
- 5 Avqust 2020 12:13
-
- Siyasət
- 5 Avqust 2020 12:59
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz