ReAl prezident seçkilərində iştirak məsələsinə baxacaq

Bakı/05.02.18/Turan: ReAL hərəkatının icraçı katibi Natiq Cəfərli hesab edir ki, növbədənkənar prezident seçkilərinin keçirilməsi haqqında qərar iki səbəbdən qəbul edilib.

"Onlardan biri texniki səbəbdir. Hazırki seçkilər prezident 7 il müddətinə seçilir. Seçkilər oktyabrda keçirilsə, onlar bir ay fərqlə 2025-ci il parlament seçkiləri ilə eyni vaxta təsadüf edəcək.

İki seçkinin ardıcıl keçirilməsi texniki nöqteyi-nəzərdən çətindir. Siyasi səbəbə gəlincə, o, Rusiyada mart seçkiləri ilə bağlıdır. Avropanın və ABŞ-ın bütün diqqəti buna yönələcək və Azərbaycandakı seçkilər kölgədə qalacaq", deyə o Turan-a bildirib.

Cəfərlinin fikrincə, Azərbaycanda hər şey ənənəvi sxemə uyğun keçəcək.

"Seçki adlandırılması çətin olan bu proses formal olacaq.

Seçkilərin tarixinin dəyişdirilməsinin daha bir səbəbi hakimiyyət daxilində təmizlik ola bilər", deyə icraçı katib bildirib.

Tezliklə ReAl idarə heyətinin iclasını keçirməyi planlaşdırır. İclasda ReAl-ın seçkilərdə iştirakı məsələsi müzakirə olunacaq.

"Namizədimiz İlqar Məmmədovdur, amma onun həbsi seçkilərdə iştirak üçün böyük maneələr yaradır. Buna görə təşkilatın seçkilərdə öz namizədi ilə iştirak etməsi texniki cəhətdən çox çətindir.

Amma seçkilərdən kənarda qalmaq doğru deyil, çünki seçkilər ən azından görüşlər, ideyaların yayılması və s. üçün imkan yaradır", deyə Cəfərli bildirib. -0-