RF AM Azərbaycan diaspora təşkilatının ləğvi haqqında qərarı qüvvədə saxlayıb

Bakı/19.09.17/Turan: RF Ali Məhkəməsinin apellyasiya instansiyası "Ümumrusiya Azərbaycanlılar Konqresi" (ÜAK) Ümumrusiya İctimai Təşkilatının ləğvi haqqında qərarı dəyişdirməyib, xəbəri RAPSİ yayıb.

Məhkəmə ÜAK-ın Ali Məhkəmənin 15 may tarixli qərarının ləğvi haqqında şikayətini təmin etməkdən imtina edib. İctimai təşkilatın nümayəndələri bildiriblər ki, "Ümumrusiya Azərbaycanlılar Konqresi" RF Ədliyyə Nazirliyinin tələblərini yerinə yetirmələrinə mane olan bir sıra obyektiv hallarla üzləşiblər. Ərizəçinin sözlərinə görə, Ədliyyə Nazirliyinin aşkar etdiyi pozuntular düzəldilməsi mümkün olmayan pozuntular deyil, məktubların vaxtında alınmasına isə rəhbər orqanlarla qəfil yaranmış daxili problemlər mane olub.

Öz növbəsində, Ədliyyə Nazirliyinin nümayəndəsi "posuntuların kobud xarakterli" olduğunu, onların bəzilərinin düzəldilməsi mümkün olmayan və sistemli xarakter daşıyan pozuntular olduğunu bildirib.

ÜAK 2001-ci ildə keçmiş Azərbaycan prezidenti Heydər Əliyevin və RF prezidenti Vladimir Putinin dəstəyi ilə yaradılıb. 2002-ci ildə ictimai təşkilat qeydiyyatdan keçib və hazırda Rusiyanın 69 regionunda şöbələri var.

ÜAK-da RF Ali Məhkəməsinin Plenumuna müraciət etmək niyyətində olduqlarını bildiriblər.

Bir müddət əvvəl Diaspora ilə İş üzrə Azərbaycan Dövlət Komitəsi ÜAK-ın ləğvinin iki ölkə arasında "strateji tərəfdaşlıq əhval-ruhiyyəsinə" zidd olduğunu bəyan edib. -06D-