RF Müdafiə Nazirliyi Hersonun alınması barədə açıqlama verib

Bakı/02.03.22/Turan: Rusiya Silahlı Qüvvələrinin bölmələri Xerson vilayətinin mərkəzinə tam nəzarəti ələ keçirib. Bu barədə RF Müdafiə Nazirliyinin məlumatında deyilir.

Xersonda mülki infrastruktr, həyati obyektlər və şəhər nəqliyyatı gündəlik rejimdə işləyir, deyə hərbi idarədən bildiriblər. "RF SQ UTX-nin və 72 saylı Baş Psixoloji Əməliyyatlar Mərkəzinin obyektlərinə yüksək dəqiqliklik silahla zərbə endirib", deyə məlumatda qeyd edilir.

Ümumilikdə hərbi əməliyyat zamanı Ukrayna hərbi infrastrukturunun 1 502 obyekti sıradan çıxarılıb, deyə RF Müdafiə Nazirliyi bildirir.

Bununla belə, Ukrayna mənbələrinin məlumatlarına görə, dünən gecə rus qoşunları ölkənin şimalında Çerniqov və Sumı vilayət mərkəzləri istiqamətində irəliləməyə müvəffəq olmayıb.

Xarkov və paytaxt Kiyevin bombalanmasına baxmayaraq, Rusiya ordusu bu istiqamətlərdə də uğur əldə etməyib. -06В-