RF-nin Bakıdakı səfirliyi qarşısında Pussy Riot qrupunun üzvlərinin saxlanmasına etiraz aksiyası keçiriləcək

“Demokratiya naminə oxu” (Sing for democrasy) hüquq-müdafiə kampaniyası sentyabrın 1-də günorta bu ilin fevralında Xilaskar İsa məbədində istehzalı ibadət keçirən “Pussu Riot” qrupunun üç ifaçısının Rusiyada 2 il müddətinə azadlıqdan məhrum edilməsinə etiraz əlaməti olaraq Rusiyanın Bakıdakı səfirliyi qarşısında piket keçirəcək. 

Aksiya iştirakçıları həbs edilmiş qızların azad edilməsini tələb etmək niyyətindədir. Piket təşkilatçıları Bakı meriyasına xəbərdarlıq göstəriblər.

Kampaniyanın koordinatoru Rəsul Cəfərov qeyd edib ki, aksiya təşkilatçıları pravoslavların dini hisslərinə hörmətlə yanaşırlar, lakin qızlara verilən cəzanı siyasi sifarişlə qəbul edilmiş qeyri-adekvat sərt cəza hesab edirlər.

Bundan başqa, facebook şəbəkəsində bu aksiya ilə bağlı xüsusi qrup yaradılıb.

https://www.facebook.com/events/308504165913425/.

“Demokratiya naminə oxu” hüquq-müdafiə kampaniyası bu ilin may ayında Bakıda keçirilən “Eurovision-2012” müsabiqəsi ilə əlaqədar yerli QHT-lər tərəfindən yerli və beynəlxalq demokratik ictimaiyyətin diqqətini Azərbaycanda insan hüquqları sahəsində problemlərə çəkmək məqsədilə təşkil edilmişdi. -06D-