![Açiq mənbələrdən foto.](https://turan.az/resized/750/500/resize/media/2020/main/051900026972.jpg)
Açiq mənbələrdən foto.
RF “Rospotrebnadzor”un rəhbəri: “Dağıstanda azərbaycanlıların toplaşması koronavirusla bağlı durumu ağırlaşdırır”
Bakı/18.05.20/Turan: Dağıstanda koronavirusla bağlı vəziyyət onunla çətinləşir ki, çox sayda Azərbaycan vətəndaşı sərhəddə toplaşıb və öz ölkəsinə qayıda bilmir. Bu barədə bu gün Rusiya “Rospotrebnadzor”un rəhbəri Anna Popova Dağıstan rəhbərliyi ilə görüşündə bildirib.
“Bu adamlar öz vətənlərinə qayıtmalıdırlar, hələlik onların belə imkanı yoxdur. Bu, başqa bir risk nöqtəsidir”, - Popova deyib.
Öz növbəsində Dağıstan rəhbəri Vladimir Vasilyev Rusiya prezidenti Vladimir Putinin Dağıstan rəhbərliyi və ictimaiyyət nümayəndələri ilə keçirdiyi müşavirədə Azərbaycan vətəndaşlarının Rusiya sərhədindən keçidinin sistemləşdirilməsini təklif edib.
“Hazırda bizim Azərbaycanla münasibətlərimiz elədir ki, onlar tərəfdən RF vətəndaşları bizə keçməyi xahiş edəcəklər və əksinə, bizim tərəfdən Azərbaycan vətəndaşları sərhəddi keçmək istəyirlər. Yaxşı olardı ki, biz hərəkətlərimizi koordinasiya edə bilək.
Məsələn, 450 vətəndaş bir tərəfdən digərinə keçir və 15 gündən sonra yenə eyni qrup üzrə vətəndaşlar keçir”, - deyə Vasilyev bildirib.
O qeyd edib ki, infeksiyanın yayılmasının qarşısını almaq üçün 15 gün lazımdır.
Qeyd edək ki, müxtəlif məlumatlara görə, Dağıstanla sərhəddə 200-dən 400-ə qədər azərbaycanlı var və onlar evə qayıtmaq üçün icazə gözləyirlər. -02D-
-
- Siyasət
- 18 May 2020 17:45
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz