Açiq mənbələrdən foto.
Hakimiyyət Əli Kərimlini terrorizmin maliyyələşdirilməsində ittiham etmək istəyir, onun mühafizəçisi həbs edilib
Bakı/18.05.20/Turan: 30 sutka inzibati həbsdən sonra Xalq Cəbhəsi Partiyasının fəalı Niyaməddin Əhmədova CM-in 214-1-ci maddəsi (terrorizmin maliyyələşdirilməsi) ilə cinayət ittihamı irəli sürülüb.
Mayın 16-da Nəsimi Rayon Məhkəməsi onu 4 ay müddətinə həbs edib. Bu barədə Turan-a N.Əhmədova dövlət hesabına təyin edilmiş vəkil Əhməd Fərhadov bildirib.
İstintaq N.Əhmədovu terrorizmin maliyyələşdirilməsi üçün xaricdən başqa müxalifətçidən pul almaqda ittiham edib.
Məhkəmədə N.Əhmədov bu ittihamı inkar edərək bildirib ki, ona pul göndərən şəxs, sadəcə, öz borcunu qaytarıb.
N.Əhmədov AXCP lideri əli Kərimlinin ictimai əsaslarla mühafizəçisidir. O, aprelin 15-də guya karantin rejimini pozduğuna görə saxlanılıb. Mayın 15-də həbs müddəti bitsə də onu azad etməyiblər.
N.Əhmədovu 14 ilədək azadlıqdan məhrum olunma təhlükəsi gözləyir.
AXCP sədrinin müavini Seymur Həzi N.Əhmədovun həbsini ən yüksək səviyyədə siyasi sifariş adlandırıb. Onun fikrincə, N.Əhmədov 19 oktyabr 2019-cu ildə keçirilmiş mitinqdə Əli Kərimlini müdafiə etdiyinə görə cəzalandırılır.—03B06-
-
- Siyasət
- 18 May 2020 16:36
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz